संगठीत अपराधले दुई देशको बिचमा पार्ने प्रभाव र त्यसले निम्त्याउने समस्याका बिषय कथाको रुपमा उठाएको फिल्म ‘द वीनर’ को छायांकन अष्ट्रेलियामा हुने भएको छ । काठमाडौ र भारतको राजस्थानपछि बा“की छायांकन सकाउन अष्ट्रेलिया जान लागेको हो । 

फिल्मको हाल ६० प्रतिशत छायांकन सकिएको र बाकी चालिस प्रतिसत काम सकाउन अष्ट्रेलिया जाने तयारी भइरहेको निर्देशक हिक्मत बिष्टले बताए । ‘फिल्मको कथा नै रिच भएकोले लोकसन पनि त्यस्तै दिन अष्ट्रेलिया जान लागिएको हो’ निर्देशक बिष्टले भने ‘कुनै कम्परमाइज नगरी फिल्म पुरा गर्ने सोचमा पुरै टिम लागेका छौं ।’ अष्ट्रेलियामा चलचित्रको एक गीतकासाथै चालिस प्रतिसत सिनको पनि छायांकन गरिने निर्देशक बिष्टले सुनाए । निर्देशक बिष्टको यो डेब्यु फिल्म हो ।
महेश मान श्रेष्ठ, मन्चिन शाक्य, पुर्व मिस नेपाल मलिना जोसी, राजकुमार पन्त, रोयल मास्के, उत्तम बिष्ट,रमेश गुरुङ, एलेक्स खड्का ,अमित गिरी लगायतको फिल्ममा अभिनय छ । मलिना बाहेक अन्य कलाकार नया“ भएपनि सबै मोडलिङ क्षेत्रका चर्चीत व्यक्ति भएको निर्माण पक्षले जानकारी गराएको छ । फिल्म रितेश राणा, राजेश जोसी र सुबोध ठकुरीले मिलेर बनाउन लागेका हुन् । तिन गीत रहने फिल्मको एक गीत भारतको राजस्थान र अर्काे गीत नेपालमै छायांकन भइसकेको छ । सोल्टी होटल, गोकण रिसोर्ट, सिभील महल लगायत नेपालका अधिकाशं रिच (मह“गा) मानिने लोकेशनमा छायांकन भएको यो फिल्म ‘द वीनर’ मा हिमाल केसीको द्वन्द्व निर्देशन छ । डाइमन स्टार फिल्मस् प्रालिको ब्यानरमा बन्न लागेको द वीनरमा कबिराज गहतराजको नृत्य, पुरुषोतम प्रधानको छायांकान समेटिनेछ । फिल्मका गीत अमित श्रेष्ठको संगीतमा तयार भएका छन् ।
एक्सन र थ्रिलर एकसाथ उठाएको फिल्म  मनोरञ्जनात्क प्याकेजका रुपमा निर्माण गरिन लागिएको हो । एक महिनाको वर्कसप सहित छायांकनमा सुरु भएको ‘द वीनर’ आफुुले सोचे भन्दा पनि राम्रो भइरहेको निर्माता रितेश राणाले बताए । ‘मलाई धेरै कलाकार नया“ भएकोले फिल्म कस्तो होला भन्ने डर थियो’ राणाले भने ‘तर अहिलेसम्म सकिएको छायांकनबाट ढुक्क हुने बाताबरण बनेको छ ।’ बा“की छायांकन पनि राम्रो बनाउने तयारीमा आफुु लागेको उनले खुलाए ।
करिब एक करोड निर्माण लागत छुट्याइएको  फिल्म ‘द वीनर’ को कलाकारका लागी ड्रेस प्रोफेसनल डिजाइनर निसु कडेल र टासी डोल्मा शेर्पाले तयार पारेका हुन् । फिल्म आगामी जेठमा प्रर्दशनमा ल्याइने लक्ष्य निर्माण पक्षको छ ।