स्वर्गिय नायक श्रीकृष्ण श्रेष्ठको अन्तिम फिल्म ‘कोहिनूर’ लाई युटुब बाट हटाइएको छ । एक साता अघि पाइरेसी भइ यूटूब अपलोड भएको तर, केएचएनआर नाम बाट अपलोढ गरिएको कोहिनूरलाई निर्माण कम्पनी नेपा मुभिजको उजुरीपछि यूटुबले ‘कोहिनूर’ लाई मंगलबार आफ्नो साइटबाट हटाइएको हो ।

आकाश अधिकारीको कथा अनि निर्देशन रहेको एैतिहाशिक सफल फिल्म ‘कोहिनूर’ अनलाइन पाइरेसी भएर हटाइएपछि निर्माण कम्पनीले बुधबारै प्रेसमिट गरी उक्त अनाधिकृत कार्यप्रति दुःख व्यक्त गर्दै पाइरेसी गर्नेको खोजी कार्य भैरहेको जानकारी दिएको छ । निर्माता मध्येका एक चन्द्र प्रसाद श्रेष्ठले ‘कोहिनूर’ पाइरेसीप्रति दुःख व्यक्त गर्दै भने– ‘स्व।श्रीकृष्णको फिल्मलाई सबैले हेरुन् भन्ने हाम्रो चाहना हो । जतिले हेर्नुभयो उहाँहरुलाई धन्यावाद । तर आफुसँग भएको फिल्मलाई पुनः अपलोड नगर्न अनुरोध गर्दछु ।’ उनले थपे– ‘विश्वमा रहनु भएका सबै नेपालीमाझ उच्च गुणस्तरमा स्व।श्रीकृष्णजीको फिल्मलाई हामी लिएर आउनेछौं ।’ निर्माता श्रेष्ठले पाइरेसी गर्नेलाई कानुन बमोजिम कारबाहिको माग गरिने समेत बताए । उनले भने–‘पाइरेसी गर्ने को हो रु पत्ता लगाउने प्रक्रिया भैरहेको छ । वास्तविक ठेगाना उल्लेख नगरिएकाले पाइरेसीकर्ताको खोजीमा केही गाह्रो भैरहेको छ । तर, पत्ता लागेपछि हामी कानुन बमोजिम नै साइबर क्राइम अन्र्तगत् कारबाहिको माग  गर्छौ ।

यता ‘कोहिनूर’ निर्देशक आकाश अधिकारीले भने कुनै पनि फिल्मको पाइरेसी हुनु भनेको आर्थिक, कला, संकृति, श्रृजनाका साथौ सिङ्गो नेपाल फिल्म क्षेत्र माथि आघात पुग्नु हो । निर्देशक अधिकारीले भने, अनाधिकृत रुपमा हुने पाइरेसीलाई रोक्न आवश्यक छ र त्यसका लागी चलचित्रकर्मिको पहल र प्रयाश मात्र प्राप्त छैन, समस्त चलचित्र प्रेमिको साथ, सहयोगको आवषेकता छ । निर्देशक अधिकारीले पनि ‘कोहिनूर’ पाइरेसी गर्नेलाई कानुन बमोजिम कारबाहिको माग गरिने बताए । उनले थपे, ‘जतिले पनि कोहिनूर फिल्म हेर्नुभयो उहाँहरु सबैलाई धन्यवाद र  जजस्ले हेर्नबाँकि छ, उहाँहरुका लागि गुड क्वालिटिको फिल्म लिएर नेपाल बाहिर, अस्ट्रेलियदेखि एसिया, यूरोप हुदै यूसए सम्म पुग्दै छौ । स्व.नायक श्रेष्ठको अन्तिम अनि उत्कृष्ट फिल्म तेस माथि नेपालको ऐतिहाशिक सफलताले विश्वभर रहेका नेपाली माझ ‘कोहिनूर’ चासोको  विषय बनेकोछ । यस चलचित्रले विश्वका करिब एक दर्जन मुलुकमा सफल  प्रदर्शन भैसकेको छ र अन्य मुलुकमा पनि यसको माघ बढ्दो छ ।  स्व। श्रीकृष्ण र पत्नी अभिनेत्री श्वेता खड्काको मुख्य भूमिका रहेको चलचित्रहो ‘कोहिनूर’ । निर्देशक अधिकारीले फिल्ममा चेलिबेटी बेचबिखनको कथालाई उठान गरेका छन् ।