अनमाेल केसीलाई ठगी मुद्धा

काठमाडौं  

केहि समय अगाडी यतिबेलाका युवास्टार अनमोल केसीलाई लिएर निर्माण घोषणा गरिएको फिल्म ‘धुपौरे’ को काम अगाडी बढेको छैन । निमार्ण टिमले अनमोल केसी विरुद्ध काठमाडौं महानगरीय प्रहरी परिसर हनुमानढोकामा ठगि मुद्धा हालेको छ ।

'धुपौरे' मा अनमोल केसी साठि लाखमा अनुबन्धित भएको खबर चर्चामा थियो । अनमोलले निर्देशक साम्तेन भुटिया र निर्माता जयन श्रेष्ठ संग लोकेसन हन्टिङमा समेत पुगेका थिए । 'धुपौरे'को चरित्रका लागी अनमोलले निकै मेहनत गरिरहेका थिए ।

तर, अकास्मत स्क्रिप्ट चित्तबुझ्दो नभएको बहानामा अनमोलले फिल्म नगर्ने खबर बाहिरीएको थियो । अहिले आएर निमार्ण टिम र अनमोल केसी बिचको विवाद छताछुल्ल भएको छ । अनमोललाई मुद्धा हालेको कुरा निर्माता रुपेन्द्र खड्कीले पनि स्वीकार गरिसकेका छन् ।

सञ्चार माध्यममा फिल्म छोडेको भन्ने निरन्तर समाचार आएपछी निर्माण टिमले अनमोल केसीसंग जानकारी लिन खोज्दा लामो समय देखी अनमोल केसीसंग सम्पर्क नभएकोले मुद्धा हाल्न बाध्य भएको अर्का निर्माता रुपेन्द्र खड्गीले आरोप लगाएका छन् ।

खड्गी भन्छन्, 'हाम्रो टिम सुटिङ को लागि सबै तयारी अवस्थामा थियो । अनमोल केसीकै जबरजस्तीले नयाँ नायीकाको लागि तिन दिन भब्य अडिसन गरेर नायीका लगायत अन्य कलाकार समेत फाइनल गरेका थियौ ।'

'सम्पुर्ण तयारी सकेपछि अनमोल केसीलाई सम्पर्क गरे तर अनमोलसँग सम्पर्क भएन ।' भन्दै रुपेन्द्रले भने, 'सुटिङको मिती परिवर्तन गरेर मंसिर १८ बाट फ्लोरमा जान सम्पुर्ण टिम तयार भयो तर अनमोल गायब भए ।'

अनमोल सम्पर्कमा नआएपछी अनमोल केसीका बुवा भुवन केसीसंग निर्माण टिमले सम्पर्क गर्‍यो । भुवनले फिल्मको स्कृप्ट सच्चाउन लगाए । निमार्ण टिम स्क्रिप्ट सच्चाउन सहमती भयो ।
त्यसपछि पनि भुवनसँग सुटिङ डेट मिलाउन बारम्बार अनुरोध गरे तर भुवनले पनि विभिन्न बाहानामा अल्झाइरहे ।

धुपौरेको स्कृप्ट राम्रो भएकै कारण अनमोलले फिल्म साइन गरेका थिए । पहिले राम्रो भनेर चर्को पारिश्रमिक लिएर फिल्म साइन गरेका अनमोललाई सुटिङ डेट नजिकिदा किन स्क्रिप्ट चित्त बुझेन त्यो त अनमोललाई नै थाहा होला !

कसै गर्दा पनि अनमोलसंग सहमती नभएको र साइनिङ अमाउन्ट पनि फिर्ता नगरेका कारण अनमोल विरुद्ध मुद्धा दर्ता गरेको निर्माता रुपेन्द्र खड्गीले बताए ।

---