वितरक भन्छन्, 'लभ डायरीज चल्यो, शुसिल भाग्यमानी हुन्'

काठमाडौँ

शुक्रबारबाट प्रदर्शनमा आएको फिल्म 'लभ डायरीज'ले दर्शकको राम्रो साथ् पाएको छ । प्रेम दिवसको अवसर पारेर रिलिज भएको फिल्ममा दर्शकको चाप पढेको फिल्मका वितरक करण श्रेष्ठले बताएका छन् । 

करण भन्छन्, 'सुरुवातीबाट नै दर्शकको राम्रो उपस्थिति थियो । शनिबार बाट दर्शकको चाप झन् बढ्यो । यसबाट सुशीलको स्टारडम देखिएको छ । सुशील भाग्यमानि हुन् ।' फिल्म हलले शोजहरु पनि बढाएको करणले बताएका छन् । सिंगल थिएटर सबैमा ठुलो हल 'लभ डायरीज'ले पाएको करणले सुनाए ।  

करणले सुशीललाई ह्यान्डसम स्टार भएको बताए ।  उनि भन्छन्, 'सुशील निकै मेहनती हीरो हो । होस्टेल रिटर्न पछि उनको दमदार कम्व्याक भएको छ । लभ डायरीजले बक्स अफिसमा धूम मच्चाएको छ । म फिल्मका निर्माताहरुलाई धन्यवाद भन्न चाहान्छु ।'

सौरभ चौधरीले निर्देशन गरेको फिल्ममा सुशील संगै रुविना थापा र विश्वजित रिमालको मुख्य भूमिका रहेको छ । प्रेम कथामा बनेको फिल्मको कथा मधु बास्तोलाको हो ।

बिनोद सापकोटा निर्माता रहेको फिल्ममा सरोज तुलाधर सह-निर्मातामा छन् । फिल्ममा मिलन श्रेष्ठको सम्पादन, संजय लामाको डिओपी, राजेन्द्र मोक्तानको कलर, सत्यम राना र अच्युत बाजगाईको भिएफएक्स रहेको छ । फिल्मलाई रिच इन्टरटेनमेन्ट र जिजिए ग्रुपले राजधानीमा र एफडी कम्पनीले काठमाडौँ बाहिर वितरण गरेको हो ।

---