बर्दियाको माघी मेलामा रेखा (फोटो फिचर)

काठमाडौं 

नायिका रेखा थापा बर्दियाको राजापुरमा भएको महोत्सवमा पुगेकी थिईन्। बुधबार महोत्सवका लागि राजापुर पुगेकी रेखाले दर्शकसंग प्रत्यक्ष कुराकानी र भेटघाट गरिन्। उनि आउने भनेपछी पुरुषहरुको भन्दा महिलाको बाक्लो उपस्थिती थियो। रेखा संग सेल्फी खिच्न पनि महिलाहरु नै तछाड्मछाड गरिरहेका थिए। उनी महिलाहरुको निकै प्रीय बनेको देखियो। उनको सुरक्षामा खटिएका महिला प्रहरी समेत उनी संग सेल्फी खिच्न लालायित थिए।

कार्यक्रममा रेखाले महिला सशक्तीकरणको कुराहरु गरिन्। उनले महिलाहरु कमजोर हुनु हुदैन र महिलाहरु सबैभन्दा शक्तिशाली हुन्छन् भन्दै महिलाहरुलाई उत्प्रेरित गरिन्। कार्यक्रममा बोल्दै रेखाले युवाहरुले आयअर्जनका लागि विदेश जानू नपर्ने र नेपालमै केही गर्न सक्ने बताईन्। 

रेखा महिला सशक्तीकरणको आवाज उठाईरहन्छीन्। समाजसेवामा पनि सक्रीय रेखाले छोरीका निम्ति स्वर्णिम नेपाल महा-अभियानसमेत चलाइरहेकी छिन्। रेखाले निर्माण गरेका फिल्म पनि महिला सशक्तीकरणको विषय नै हुन्छन्। अघिल्लो बर्ष प्रदर्शनमा आएको 'मालीका'मा पनि बालविवाह र दाइजोप्रथाको कथा उठान गरेर रेखाले तारिफ पाएकी थिईन्। हाल रेखा नयाँ फिल्मको तयारीमा छिन्। नाम फाइनल नभईसकेको फिल्ममा दयाहाङ राई र सौगात मल्ल अनुबन्धित भएको खबर केही दिन अगाडि सार्वजनीक गरेकी थिईन्। समाजिक कथामा निर्माण हुने फिल्म अर्को बर्षको लक्ष्मी पुजामा प्रदर्शन हुनेछ।

 

---