माइनस २६ डिग्रीमा 'प्रेम गीत ३' को छायांकन

काठमाडौँ

चैत्र २८ गते बाट प्रदर्शनमा आउने फिल्म 'प्रेम गीत ३' को छायांकन मनाङमा धमाधम भईरहेको छ। एक हप्ता अगाडी मात्र फिल्म निर्माण टिम मनाङ गएको थियो। किर्तिपुरको भव्य सेटमा छायांकन सकेर फिल्म निर्माण टिम मनाङ गएको हो। 

मनाङमा माइनस २६ डिग्रीको चिसोमा फिल्मको छायांकन भईरहेको छ। फिल्मका निर्माता सन्तोष सेन भन्छन 'कथाको मागलाई मध्यनजर राखेर बिगत डेढ वर्ष देखी मनाङको  यही मैसमलाई प्रतिक्षा गरेका थियौ। हाम्रो समूह दर्शकको लागि जस्तो सुकै चुनौती झेल्न तयार छ।'

फिल्मलाई सन्तोष आफै र छेतेन गुरुङले संयुक्त रुपमा निर्देशन गरेका हुन्। हिमाल केसीले खिचिरहेको फिल्मको  छायांकन स्थलमा खिचिएको केहि तस्बिर निर्माता सेनाले आफ्नो फेसबूकबाट सार्वजनिक गरेका छन्।

आसुसेन फिल्म्सको व्यानरमा बनेको फिल्ममा शिव संगै प्रदेप खड्का, क्रिष्टिना गुरुङ, मनिष राउत, प्रेम पुरी, लक्ष्मी बर्देवा, सुनिल थापा, सन्तोष सेन, माओत्से गुरुङ, पुस्कर कार्की, अनुभव रेग्मी, सम्वृद्धि शाही ठकुरी लगायतका कलाकारहरुको अभिनय रहनेछ।

---