भक्तपुर भाटभटेनीमा खुल्यो क्युएफएक्सको नयाँ हल

काठमाडौँ

नेपालको सबैभन्दा ठूलो मल्टिप्लेक्स चेन क्युएफएक्स सिनेमाज्ले भक्तपुर भाटभटेनी सुपरमार्केटमा पहिलो मल्टिप्लेक्स लन्च गरेको छ ।

रिगल सिनेमाज् प्रा.लि.को लगानी रहेको यस हलमा टिम क्वीस्टको व्यवस्थापन रहनेछ । नयाँ निर्माण गरिएको थिएटर भक्तपुरको ठिमी स्थित भाटभटेनी सुपरमार्केटको पाँचौं तल्लामा रहेको छ । रिगल सिनेमाज् प्रा. लि. ले नेपालका दुई अरु लोकेशनहरुमा पनि चेन विस्तार गर्ने घोषणा गरेको छ जसमध्ये बुटवलको भाटभटेनी सुपरमार्केटमा २ स्क्रिनहरु र विराटनगरको भाटभटेनी सुपरमार्केटमा २ स्क्रिनहरु पनि तुरुन्तै संचालनमा आउनेछन् ।

थिएटरमा डेफ्थ क्यू थ्रीडी टेक्नोलोजीको प्रयोग गरिएको छ जुन आफ्नो क्षेत्रमा विश्वव्यापी लिडरको रुपमा रहेको छ यसका साथै तीनवटै स्क्रिनहरुमा डल्बी एटमस साउण्ड टेक्नोलोजी प्रयोग गरिएको छ जसले इन्हान्स साउण्ड क्वालीटी प्रदान गर्छ जसको फलस्वरुप दर्शकहरुले उत्तम अडियो सहितको पूर्ण तथा उत्कृष्ट अनुभव हुनेछ ।

नयाँ मल्टिप्लेक्समा क्रिष्टि प्रोजेक्ट सिस्टम पनि रहेको छ जसले पिक्सेलहरुको समायोजन गरी अप्टिमल इमेज क्वालिटी प्रदान गर्छ । जसले गर्दा दर्शकहरुले सबैभन्दा इन्हान्स्ड सिनेमेटीक एक्सपेरियन्स गर्न सक्नेछन् । यो नयाँ मल्टिप्लेक्समा ३ वटा पर्दा रहेका छन् जसको कुल सिट क्षमता ६९८ रहेको छ । ३ वटा पर्दा मध्ये दुई पर्दाको सिट संख्या २४६\२४६ र एउटाको २०६ रहेको छ ।

क्यूएफएक्स सिनेमाजले नयाँ चेनमा आफ्नो मोबाइल एप र लोयल्टी प्रोग्राम ‘गोजी’ पनि जारी राखेको छ साथै क्यासलेस ट्रान्जेक्सनको लागि अनलाइन टिकेटिङ सुविधा पनि उपलब्ध रहेको छ । यो नयाँ मल्टिप्लेक्समा किचेन सहितको फूड कोर्टमा ताजा खानाहरु पनि उपलब्ध हुनेछ ।

---