काठमाडौं

असोज २४ लाई रिलिज तय भएको फिल्म ‘छ माया छपक्कै’को ट्रेलर सार्वजनिक भएको छ । राजनितिक विषयमा बनेको फिल्ममा उमेरको अन्तरमा हुने प्रेम कथा समावेश छ । राजधानिमा एक कार्यक्रमका बिच ‘छ माया छपक्कै’को ट्रेलर आमा अग्नि कुमारी मिडियाको युटुब च्यानबाट सार्वजनिक गरिएको हो ।

आमा सरस्वती मुभिज, रोहित अधिकारी फिल्मस् र आइएमईको प्रस्तुतीमा निर्माण हुने फिल्ममा रोहित अधिकारीको एकल लगानी रहेको छ । रोहित अधिकारी फिल्म्स र आमा सरस्वति मुभिजको यो पहिलो सहकार्य हो । निर्माता अधिकारीको लगानी सुरक्षित भएपछि दीपकराजको टिमले मुनाफाको ५० प्रतिशत लैजाने सर्त छ ।

दिपेन्द्र लामाले निर्देशन गरेको फिल्ममा दिपकराज गिरि, केकी अधिकारी, जितु नेपाल, केदार प्रसाद घिमिरे, दीपाश्री निरौला, सुपुष्पा भट्ट, बुद्दि तामाङ, रजनी तामाङ लगायतको अभिनय रहेको छ ।

निर्देशक लामाकै कथा रहेको फिल्मको पटकथा दीपकराजको हो । फिल्मको कार्यकारी निर्माता जितु र केदार हुन् । फिल्ममा हरि हुमागाइँको छायांकन, रोशन श्रेष्ठको द्वन्द्व, दीपक शर्माको संगीत, गीतमा कविराज गहतराजको कोरियोग्राफी, विपिन मल्लको सम्पादन रहेको छ ।