तीजको दिन 'मारुनी'को बम्पर ब्यापार 

तीजको दिन 'मारुनी'को बम्पर ब्यापार 
'
यहि शुक्रबारबाट प्रदर्शनमा आएको फिल्म 'मारुनी'ले शुक्रबार औशत् ब्यापार गरे पनि शनिबारबाट फिल्मले राम्रो ब्यापार सुरु गरेको थियो । आज नेपालीहरुको महान चाड तीज परेकाले फिल्मले देशैभर बम्पर ब्यापार गरिरहेको छ । 

सोमबार देशका मल्टिप्लेक्स र सिंगल थियटर सबैमा हाउसफुल भएको छ । फिल्मले आजबाट थप शोजहरु पनि पाएको निर्माण टिमले जानकारी दिएको छ । बलिउड फिल्मका कारण कम शोज पाएको 'मारुनी'ले दर्शकबाट राम्रो प्रतिक्रिया पाएपछि थप शोज पाएको

 

फिल्म हेरेर निस्किएका अधिकांश दर्शकले फिल्म राम्रो भनेपछि फिल्म हेर्नेको चाप बढिरहेको छ । माउथ पब्लिसिटी भए संगै फिल्मको ब्यापार पनि बढ्ने निश्चित छ ।

पुनम इन्टरटेन्मेन्टको ब्यानरबाट पुनम गौतमले निर्माण गरेको फिल्ममा पुष्प खड्का, साम्राज्ञी राज्य लक्ष्मी शाह, रेबिका गुरुङ, विनोद भट्टराई, शंखर सेढाइ, अर्जुन श्रेष्ठ लगायतका कलाकारको अभिनय रहेको छ । फिल्मलाई नवल नेपालले निर्देशन गरेका हुन् ।

---