चलचित्रकर्मी र नेपाल प्रहरी बीच छलफल !

काठमाडौँ

नेपाली फिल्मको छायांकनमा विभिन्न  समस्या छन् । उक्त समस्यालाई फिल्मकर्मी र राज्यले मिलेर समाधान गर्न निकै जरुरी पनि छ ।  राज्यको कला, संस्कृतिलाई जोगाएर पर्यटन प्रवर्धन गर्ने मुख्य माध्यम भनेको फिल्म पनि हो । त्यसैले पनि यसको विकास र विस्तारमा राज्य र फिल्मकर्मी लागि पर्नु पर्ने आवश्यकता छ ।   

यस्तैमा नेपाल प्रहरीको आयोजना र नेपाल चलचित्र निर्माता संघको सहकार्यमा चलचित्र सम्बन्धित संघहरुका अध्यक्ष, केहि कलाकार टोली, चलचित्रकर्मी र नेपाल प्रहरी बीच छलफल भएको छ । 

फिल्मको कथाको मागनुसार आवश्यक प्रहरी प्रशासन स्थान, सामाग्री, क्यारेक्टरलाई सहिरूपमा प्रस्तुत गर्न र गराउन फिल्म क्षेत्रलाई प्रहरी प्रशासनबाट के कस्ता सहयोगको आवश्यकता छ र के कस्ता बिषयमा सहजता तथा सहकार्य गर्न सकिन्छ भन्ने बारे निर्माता संघका अधक्ष्य आकाश अधिकारीले फिल्म क्षेत्रको तर्फबाट लिखित धारणा पत्र बुझाएका थिए ।

नेपाल चलचित्र निर्माता संघलाई पत्राचार गर्दै फिल्मकर्मी उपस्थित गराईदिनु हुन् अनुरोध गरेको प्रहरीले सबै भन्दा पहिला पोशाकमै सुधार ल्याउनुपर्ने औल्याएको छ । आयोजित छलफलमा नेपाल प्रहरीलाई फिल्ममा प्रस्तुत गरिएको केहि क्लिप देखाइएको थियो । क्लिपमा प्रहरीको पोशाक सहि तरिकाले नलगाएको, दर्जानी चिन्ह वरियता अनुसार प्रयोग नगरिएको, क्षेत्रीय चिन्हको पोशाक पिच्छे नै भिन्नता, पुलिसको जवान जस्तो नदेखिएको लगायतका विभिन्न गल्तीलाइ देखाइएको थियो ।

प्रहरी महानिरिक्षक सर्वेन्द्र खनालको आतिथ्यतामा सम्पन्न भएको छलफलमा कलाकार तथा निर्देशक निर शाह, कलाकारहरु भुवन केसी, मदन कृष्ण श्रेष्ठ, सुनिल कटवाल, किरण केसी, कृष्ण मल्ल उपस्थित थिए । यस्तै कलाकार संघका अधक्ष्य रविन्द्र खड्का, वितरक गोपाल काजि कायस्था लगायतको पनि उपस्थिति थियो ।

 

---