भदौ १३ नछाड्ने 'मारुनी' निर्मात्री पुनम गौतमको अडान

काठमाडौँ 

भदौ १३ मा रिलिज हुन लागेको फिल्म 'मारुनी' संग बलिउडको ठुलो फिल्म 'साहो' प्रदर्शनमा आउदै छ । यसअघि 'कबड्डी ३' पनि सोहि डेटमा आउने भएको थियो तर 'साहो' उक्त डेटमा आउने भएपछी कबड्डी ३ असोज ३ मा सर्यो । 'मारुनी' भने निडर बनेर सोही डेटमा बसिरहेको छ । 

यता 'मारुनी' निर्मात्री पुनम गौतमले 'साहो' र 'कबड्डी ३' हाम्रो डेटमा आउदा आफुले दिन रात छुट्टाउन नसकेको बताइन । तर, 'साहो' र 'कबड्डी ३' संग डराएर आफुले ३ महिना अगाडी तोकेको प्रदर्शन मिति नसार्ने कुरामा अडिक भएको उनले बताइन।  

उनले भनिन् 'वहाहरु आउनुभएको भए पनि हामि जति हल पाउथ्यौ, हाम्रो अस्तित्व जति हो त्यतिमै चलाउथ्यौ ।'  तर नेपाली फिल्मले नेपालमा सहज प्रदर्शन गर्न पाउनु पर्ने उनको भनाइ छ । उनले वितरक संग गुनासो गर्दै भनिन 'नेपालमा हामीले एउटा राम्रो फिल्म बनाएपछि त्यसलाई कसरी चलाउने ?जब भारतको ठुलो लगानीमा बनेको फिल्म आउछ । हामीले भारतमा फिल्म प्रदर्शन गर्छु त भनेको छैन नि ।'

नवल नेपालले निर्देशन गरेको फिल्ममा पुष्प खड्का, साम्राज्ञी राज्य लक्ष्मी शाह, रेबिका गुरुङ, विनोद भट्टराई, शंखर सेढाइ, अर्जुन श्रेष्ठ लगायतका कलाकारको अभिनय रहेको छ । 

---