सरीतालाई हराउदै चलचित्र कलाकार संघको अधक्ष्यमा रविन्द्र खड्का

काठमाडौँ

चलचित्र कलाकार संघको अधक्ष्यमा रविन्द्र खड्का विजयी भएका छन्। सरिता लामिछानेलाई ५७ मतले पछि पार्दै रविन्द्र खड्काले जीत हासिल गरेका हुन्। जम्मा ३८७ मत मध्ये रविन्द्रको पक्षमा २१८ मत र  सरिताको पक्षमा १६१ मत खसेको थियो। चलचित्र कलाकार संघको १७ औं साधारण सभाबाट नयाँ कार्यसमिति चयन भएको हो।

उपाध्यक्षमा रेजिना उप्रेतीले २४३ मत ल्याइन् भने अर्का उपाध्यक्ष सानुकुमार ताम्राकारले १७५ मत ल्याएर विजयी भएका छन्। महासचिव पदमा चेतबहादुर सिंहले १८७ मत ल्याएर विजयी भए । उनका प्रतिस्पर्धी उम्मेदवार संजय खतिवडाले १५६ मत ल्याए।

सचिव पदमा पनाहा अधिकारीले १९४ मत ल्याएर विजयी हुदा उनको प्रतिस्पर्धी उम्मेदवार कविता गेलालले १६९ मत ल्याइन् । सह–कोषाध्यक्ष पदमा पवित्रा आचार्यले २२० मत ल्याएर विजयी भइन् । उनको प्रतिस्पर्धी उम्मेदवार धन बहादुर बम्जनले १३३ मत ल्याए। १० जना निर्वाचित सदस्यतर्फ शितल केसी, जयकिशन बस्नेत, गोपाल नेपाल, शारदा नेपाल, उद्धव भट्टराई, जीवन थापा, धर्मानन्द आचार्य, धनराज केसी, रोहित रुम्बा र पवनप्रसाद खतिवडा विजयी भएका छन्।

---