मीम नेपाल माथि 'वीर विक्रम २'को उजुरी, यसो भन्छन संघका अधक्ष्यहरु

काठमाडौँ

सामाजिक संजालमा चर्चित मिम नेपालको युटुब च्यानल र सम्पूर्ण टिमलाई 'वीर विक्रम २' टिमले प्रहरीमा उजुरी हालेको छ। आफ्नो फिल्मलाई नानाभाती भनेको र व्यापारमा समेत ठुलो असर परेको भन्दै फिल्मका निर्देशक मिलन चाम्स सहित फिल्म संग सम्बन्धित संघ संस्थाका अधक्ष्यहरु हनुमानढोका प्रहरी कार्यालयमा पुगेका थिए।  

निर्माता संघका अधक्ष्य आकाश अधिकारी, चलचित्र पत्रकार संघका अधक्ष्य सन्दिप सापकोटा, संचारकर्मी नरेश भट्टराइ, चलचित्र निर्देशक समाजकि अधक्ष्य सुचित्रा श्रेष्ठ, प्राविधिक संघका अधक्ष्य पुस्कर लामा हनुमान ढोका पुगेका थिए। सम्पूर्ण फिल्म क्षेत्रलाइ नै यस्तो पर्न सक्ने भन्दै यस्तो विकृत रोक्न संघ संस्थाका अधक्ष्यहरु उपस्थित भएका हुन्। 

'वीर विक्रम २'का निर्देशक मिलन चाम्सले पत्रकार संग कुरा गर्दै भने 'फिल्म विर विक्रम २ लाइ अपसब्द बोलेर नानाथरी गालि गरेर सम्पूर्ण फिल्म क्षेत्र र कलाकारलाइ नै होच्याउने काम गरेको हुदा यस्ता तत्वलाई ठेगान लगाउन म यहाँ आएको हो।' उनले थप्दै भने 'शुक्रवार हामीले उजुरी दिएको र आज आइतबार १० बजे प्रहरी कार्यालय हनुमान ढोकामा बोलाएको तर उपस्थित नभएको हुदा उनीहरुलाई अभियुक्त भन्छु म।' उनीहरुलाई फरार भएको भन्दै पक्डाउ पुर्जी काटेर पक्डाउ गर्ने उनले बताए। 

उनीहरुलाई ४ बर्ष जेल सजाय, ४ लाख जरीवाना र १ करोड सम्म क्षतीपूर्ति हुन सक्ने चाम्सले बताएका छन्। फिल्म र फिल्म पत्रकारलाई नै ठुलो असर पुर्याउने हुदा यसलाई रोक्न आफु लागेको पनि उनले बताएका छन्।

यस्तै, निर्माता संघका अधक्ष्य आकाश अधिकारीले आफुले यो केसलाई सुक्ष्म रुपले हेरेको र यसले फिल्म क्षेत्रलाइ नै धरासायी पार्ने क्रियाकलाप गरेको हुदा दोषीले सजाय पाउनु पर्ने बताएका छन्। उसले जे पायो तेइ बोल्न नपाउने र बोले पनि एउटा घेरा भित्र बसेर बोल्नु पर्ने अधिकारीले बताए।

यता पत्रकार संघका अधक्ष्य सन्दिप सापकोटाले यो घटना गम्भिर र आपत्तिजनक भएको बताए। उनले भने पत्रकारीताको कुनै पनि मापदण्डलाइ पालना नगरी कसैको व्यवसाय र व्यक्तिगत जीवनलाई धरासायी बनाउने रिपोर्ट भएको उनले बताए। यसलाइ सामुहिक बहिस्कार गर्नु पर्ने सापकोटाले बताएका छन्।

चलचित्र निर्देशक समाजकी अधक्ष्य सुचित्रा श्रेष्ठ र प्राविधिक संघका अधक्ष्यले पनि यसको घोर निन्दा गरेका छन्।

---