'दाल भात तरकारी' पोस्टरमा यस्तो देखियो

काठमाडौँ

आगामी बैशाख २० गते बाट प्रदर्शनमा आउने फिल्म 'दाल भात तरकारी'को पोस्टर सार्वजनिक भएको छ । पोस्टरमा फिल्मका मुख्य मुख्य कलाकारलाई देख्न सकिन् । अमेरिका जान चाहानेहरुको कथा फिल्ममा समावेश छ ।  

मह संचारको प्रस्तुतिमा किरण केसीले निर्माण गरेका फिल्ममा हरिवंश आचार्य, निरुता सिंह, मदनकृष्ण श्रेष्ठ, किरण केसी, शिवहरि पौडेल, आँचल शर्मा, पुष्प खड्का, बसुन्धरा भुषाल, विल्सन विक्रम राई, वर्षा राउत, प्रीयंका कार्की लगायतका कलाकारको अभिनय रहेको छ।

सुदन केसीले निर्देशन गरेको कमेडी जनराको फिल्म 'दाल भात तरकारी'मा मित्र डी.गुरुङको सम्पादन, रमिला आचार्य / नरेन्द्र कंसाकार /शिवहरी पौडेल / यमन श्रेष्ठको लगानी, दिर्घ गुरुङको छायांकन, हरि वंश आचार्यको लेखन रहेको छ ।

गत वर्ष प्रदर्शनमा आएको फिल्म ‘शत्रु गते’ को सफलतापछि बरिष्ठ कलाकारद्वय हरिवंश आचार्य र मदनकृष्ण श्रेष्ठले यो फिल्म निर्माण गरेका हुन् । नेपाल रिलिज नहुँदै अहिले फिल्मको विदेशमा चर्को माग छ । विभिन्न देशबाट फिल्मको राइट्स लिन निर्मातालाई दिनमै दर्जन बढी व्यक्तिको फोन आउने गरेको छ । 

---