चलचित्र क्षेत्रको बेथिति

काठमाडौँ

चलचित्र पत्रकार संघको आयोजना तथा चलचित्र निर्माता संघको सहकार्यमा ‘चियापान समारोह तथा चलचित्र क्षेत्रको बेथिती’को विषयमा भएको अन्तरक्रिया कार्यक्रम समापन भएको छ । चलचित्र पत्रकार संघका अध्यक्ष सन्दिप सापकोटाको अध्यक्षतामा आयोजित कार्यक्रममा कार्यक्रममा चलचित्र विकास बोर्डका अध्यक्ष केशव भट्टराई, निर्माता संघका अध्यक्ष आकाश अधिकारी, चलचित्र संघका अध्यक्ष प्रदीप कुमार उदय लगायतको संघ सस्थाका व्यक्ति तथा निर्माता निर्देशकको उपस्थिती थियो ।

चलचित्र क्षेत्रका समस्याहरु केलाएर चलचित्र पत्रकार संघका सचिव समिर बलामीले अवधारण पत्र प्रस्तुत गरेका थिए । जुन अवाधारनामा रहेर चलचित्र विकास बोर्डका अध्यक्ष केशव भट्टराई, निर्माता संघका अध्यक्ष आकाश अधिकारी, चलचित्र संघका अध्यक्ष प्रदीप कुमार उदय लगायतको संघ सस्थाका व्यक्तिहरुले आफ्नो धारणा राखेका थिए । 

चलचित्र पत्रकार र संघका व्यक्तिहरु बीच भएको ३ घण्टा लामो अन्तरक्रियामा सबैको समस्या र समाधानका उपाय निस्किएका थिए । उक्त कार्यक्रममा नवनियुक्त विकास बोर्ड अधक्ष्य केशव भट्टराईलाइ सम्मान पनि गरीको थियो।

कार्यक्रममा बोल्दै बोर्ड अधक्ष्य भट्टराइले चलचित्र क्षत्रमा भएका समस्यालाई नीतिगत तहबाट समाधान गर्ने प्रतिबद्दता जनाएका छन् । उनले पुरा हुन नसकेको बक्स अफिसलाई पनि पुरा गर्ने बताए। 

यता नेपाल चलचित्र निर्माता संघका अधक्ष आकास अधिकारीले फिल्म क्षत्रलाइ नबुझी निर्माता बन्न आउने हुदा पनि फिल्महरु असफल भईरहेको बताए । कुनै हित फिल्मको नाम लिएर अरुलाई लगानी गर्न लाउने एजेन्ट हरुले गर्दा फिल्म क्षत्रको अवस्था यस्तो भएको उनको भनाइ थियो । 

उनले भने –‘कलाकारहरु जति रिजर्भ बस्यो उति नै चासोमा रहनुहुन्छ । तर, अहिले त कलाकारहरुले आफ्नो पूर्ण दिनचर्या सामाजिक संजालमा पोष्ट गरिदिनाले पनि उहाँहरु सस्तो बन्नुभएको छ ।’

टिकटक, फेसबुक, इन्ष्टा तथा युट्युबमा आएका भिडियो तथा तस्विरहरुले कलाकारको क्रेजलाई खस्काइरहेको आकाशले बताए । ‘कलाकारको विषयमा सबै थाहा पाइसकेपछि, उनीहरुको छरपष्ट भएको दैनिकी थाहा पाएपछि दर्शक किन हलसम्म पुग्ने ?’

भिडियो हेर्नुस 

---