'ए मेरो हजुर ३'को बम्पर ओपनिङ

काठमाडौँ

यसै शुक्रबारबाट प्रदर्शनमा आएको फिल्म ‘ए मेरो हजुर ३’ले बम्पर ओपनिङ गरेको छ । आज दोस्रो दिन शनिबार पनि फिल्मको आक्रमक ब्यापारले निरन्तरता पाएको छ । शुक्रबार बिहानी शोमा ८० प्रतिसत अकुपेन्सीका साथ रिलिज भएको फिल्मले दिउँसोबो शोबाट बम्पर सुरुवात गरेको थियो ।

यस्तै शनिबारका बिहानी शोबाटै काठमाडौंको गोपी कृष्ण हलमा ६ हल हाउसफुल रहेको र २ बजेको शोमा भने कृष्ण, राधा, मिरा र शिवाय लगायतका ६ हलमा सिनेमा लागीरहेको हलका प्रबन्ध निर्देशक प्रदीप दाहालले बताए । यता काठमाडौंका अन्य हलहरु अष्टनारायण, गुण, गंगा, कलंकी बहारी लगायतमा हलमा पनि उत्तिकै दर्शकको चाप रहेको वितरकले बताए ।

यस्तै दिउँसो १ः३० बजे अभिनेता अनमोल केसी नेपाल प्रहरी र बडिगार्डको सुरक्षा सहित दर्शक प्रतिक्रिया लिन गोपी कृष्ण हल पुगेका थिए । अनमोललाई हलमा आफ्नै आँखा अगाडी पाए पश्चात दर्शकले अनमोल अनमोलको नारा लगाएका थिए । अनमोल र सुहानालाई आफुसँग सेल्फी खिच्न चाहने दर्शकको भिडबाट निस्कन निकै हम्मे हम्मे परेको थियो । उनीहरुलाई दर्शकले काधँमै बोकेर गाडीसम्म पुर्याएका थिए ।

झरना थापाले निर्देशन गरेको फिल्मलाई सुनिल कुमार थापाले निर्माण गरेका हुन् । यस फिल्ममा अनमोल केसी, सुहाना थापा, अर्पण थापा, रबिन्द्र झा, सरोज खनाल लगायतका कलाकारहरुको अभिनय रहेको छ ।

झरना र सुमन पौडेलको कथा रहेको फिल्ममा कल्याण सिंह, कोशिश क्षेत्री, प्रतिक पौडेल र आशिश अविरलले संगीत भरेका छन्। रोशन श्रेष्ठले द्वन्द्व निर्देशन गरेको फिल्मलाई सञ्जय लामाले खिचेका हुन्। फिल्मलाई दिर्घ खड्का सम्पादन गरेका हुन् ।

---