अञ्जु पन्त धर्म प्रचार गर्न बारा पुगेकी थिइन् त ?

काठमाडौँ

मंगलबार एकाएक गायिका अञ्जु पन्त आँधी प्रभावित बारामा राहतको नाममा धर्म प्रचारमा गएको खबर सामाजिक सञ्जालमा फैलियो । गाडीको डिकीमा केही राहत सामाग्री र किताबहरु राखेर उभिएकी अञ्जुको तस्वीर सामाजिक सञ्जालमा भाइरल नै भएको छ । पीडामा पनि धर्म प्रचार गरेको भन्दै धेरैले गायिका अञ्जुलाई गालीगलौज गरिररहेका छन् ।

अञ्जु पन्त धर्म प्रचार गर्न बारा पुगेकी हुन् त ? तर सत्य अर्कै रहेछ । अहिले अञ्जु पन्त बारा गएकी छैनन् । बुधबार बिहान ११ बजे उनी रेडियो नेपालमा भेटिइन् । रेडियो नेपालको स्थापना दिवसको अवसर पारेर आयोजित राष्ट्रव्यापी आधुनिक संगीत प्रतियोगिताको जज ९ निर्णायक० भएकाले व्यस्त रहेको उनले बताइन् ।

लगातार गीत रेकर्डिङ चलिरहेकोले यो पटक आफु बारा जान नपाएको तर सहयोग पठाएको उनले  उनले बताएकी छिन  । रेडियो नेपालले पनि मंगलबार विहान अञ्जु कार्यालयमा व्यस्त रहेको पुष्टि गरेको छ ।

उसो भए यो तस्वीर अहिलेको हो त ?

अञ्जुले आफ्नै नाममा अञ्जु पन्त फाउण्डसेन खोलेकी छन् । त्यसमार्फत विभिन्न सामाजिक कार्य गर्दै आएकी छिन् । उनका अनुसार गत डिसेम्बर महिनामा बारा जिल्लामा भएको स्कुलका बालबालिकाहरूलाई स्कुल ब्याग तथा कापीकलम बितरण गर्न बारामा गएको बेलाको फोटो प्रयोग गरेर अहिले बाइबल बाँड्न गएको भनेर आफुमाथि मिथ्या आरोप लगाउने काम भएको उनले बताएकी छिन। 

अहिले प्रचार गरिएको तस्वीर उनको फेसबुक पेजमा पनि ५ डिसेम्बर २०१८ मै पोष्ट भएको भेटियो । आफूले गीत संगीतबाट कमाएको रकमको केही अंश समाजसेवामा लगाउन चाहेको, तर पटकपटक गलत प्रचार गरेर निराश बनाउन खोजेको उनको गुनासो छ ।

---