कलाकार तथा निमात्री प्रज्ञा जोशी इटहरीबाट पक्राउ परेकी छिन । ठगी गरेको आरोपमा उनी क्राउ परेकी हुन् । ५० लाख ठगी गरेर लामो समय देखि इटहरीमा लुकिछिपि बस्दै आएकी जोशी इटहरीबाट प्रहरीले पक्राउ गरेको हो ।
महानगरीय प्रहरी परिसर काठमाण्डौमा दिएको उजुरीको आधारमा जोशीलाई पक्राउ गरीएको इलाका प्रहरी कार्यलयले बताएकाे छ । सुबर्ण कुमारी श्रेष्ठले महानगरीय अपराध अनुसन्धान महाशाखामा ठगीविरुद्ध उजुरी दिएकाे आधारमा जोशीलाई पक्राउ गरीएको र उनलाई भाेली काठमाण्डौ लौजाने तयारी भईरहेको प्रहरीले जनाएकाे छ ।
केही वर्ष अगाडिसम्म प्रज्ञा नेपाली फिल्ममा सक्रिय थिइन् । उनले केही फिल्म निर्माणसँगै दर्जन बढी फिल्ममा अभिनय समेत गरेकी छन् । उनले 'न बिर्सें तिमीलाई न पाएँ तिमीलाई', 'नोटबुक', 'सम्झना', 'सपुत' फिल्म निर्माण गरेकी छन् । 'कान्छी नानी', 'तिमी मात्र तिमी' लगायतका फिल्ममा अभिनय पनि गरेकी छन् ।
