'शुभ लभ'ले गर्ने प्रेस मिटमा सहभागी नहुन चलचित्र पत्रकारलाई संघको चेतावनी

काठमाडौँ

'शुभ लभ'को टाइटल गीत रिलिज कार्यक्रममा समाचार संकलनका लागि पुगेका पत्रकार तथा चलचित्र पत्रकार संघका सचिव समिर बलामी माथि क्युज सिनेमा हलका कर्मचारीले हात पात गरेका थिए । कर्माचारीले पत्रकार माथि गरेको दुर्व्यवहारलाइ बलामीले प्रतिवाद गर्दा उनि माथि हातपात भएको हो ।  

बलामीमाथि क्यूज सिनेमा हलका कर्मचारीबाट भएको दुव्र्यवहारप्रति चलचित्र पत्रकार संघले गम्भिर ध्यानाकर्षण गरेको छ । हलका कर्मचारीले पत्रकार हातपात गर्नु समाचार सम्प्रेषणमा अवरोध साथै प्रेस स्वतन्त्रतामाथिको ठाडो हस्तक्षेप हो भन्दै कर्मचारीको यस्तो ज्यादतीप्रति संघले घोर निन्दासहित कडा शब्दमा भत्र्सना गरेको छ ।

यस्तै, चलचित्र पत्रकारलाई क्यूज सिनेमा हलमा आयोजना हुने र ‘शुभ लभ’ फिल्मले गर्ने प्रेसमिटमा सहभागि भएर रिपोर्टिङ गर्न असुरक्षित महसुस गराएको भन्दै क्यूज सिनेमा हल र ‘शुभ लभ’ फिल्मले अब उप्रान्त गर्ने प्रेसमिटहरुमा पत्रकारहरुको सुरक्षा प्रत्याभुतीको ग्यारेन्टी गर्ने गरि दुवै पक्षबाट आधिकारिक धारणा नआउँदासम्म चलचित्र पत्रकार संघसँग आवद्ध सम्पुर्ण चलचित्र पत्रकारहरु सहभागि हुन नसक्ने संघले चेतावनी दिएको छ।

'शुभ लभ' निर्माण टिमले भने आफ्नो कार्यक्रममा भएको त्यस्तो घटना प्रति गम्भीर खेद भएको भन्दै पत्रकार संग फेसबुक स्टाटस लेखेर क्षमा मागेको छ।  

---