काठमाडौँ
अनमोल केसी स्टारर फिल्म ए मेरो हजुर ३ को फस्टलुक पोस्टर सार्वजनिक भएको छ । झरना थापाको निर्देशनमा बनेको फिल्ममा झरानाकै छोरी सुहाना थापाले अनमोल संग स्क्रिन सेयर गरेकी छिन । पोस्टरमा पनि सुहाना र अनमोल फिचर छन् । उनिहरुको जोडी गज्ज़बको देखिएको छ ।
आज शुक्रबार बाट औपचारीक रुपमा छायांकन सुरु गर्दै निर्माण टिमले फिल्मको फस्ट लुक पोस्टर सार्वजनिक गरेको हो । पोस्टरमा दुवै रोमान्टिक मूडमा छन् । फिल्म सांगीतिक लभस्टोरीमा बन्ने बताइएको छ । फिल्ममा सुहाना अनमोलको फ्यानको रुपमा देखिने छिन ।
झरनाले निर्देशन गर्ने फिल्मलाई सुनिल कुमार थापाले निर्माण गर्दैछन् । यस फिल्ममा अनमोल र सुहानाको अलावा सलोन बस्नते, अर्पण थापा, रबिन्द्र झालगायतका कलाकारहरुको अभिनय रहनेछ । झरना र सुमन पौडेलको कथा रहेको फिल्ममा कल्याण सिंह, कोशिश क्षेत्री, प्रतिक पौडेल र आशिश अविरलको संगीत रहनेछ । रोशन श्रेष्ठले द्वन्द्व निर्देशन गर्ने फिल्मलाई सञ्जय लामाले खिच्नेछन् ।
