गहभरी आँशु लिंदै कार्कीले गरे ‘जीवन सङ्घर्ष’को लोकार्पण

बर्मा, म्यानमार र नेपाललाई जन्मभूमि, कर्मभूमि, पितृभूमि बनाएका थाई नेपाली संघका अध्यक्ष एवंम् कलाकार कुमार कार्कीको आत्मकथा ‘जीवन सङ्घर्ष’ लोकार्पण गरिएको छ । कार्कीका दुख भोग अनि अनुभव समेटिएको यस पुस्तकलाई काठमाडौँको अन्नपूर्ण होटलमा आयोजित पत्रकार भेटमा लोकार्पण गरिएको हो ।

सुपरस्टार राजेश हमाल, संस्कृतविद सत्यमोहन जोशी, वरिष्ठ अभिनेत्री भुवन चन्दसामु गहभरि आँशु लिंदै आप्रवासी कुमारले नेपालप्रतिको आफ्नो प्रेम, सम्मान सद्भाव प्रकट गरे । बर्मादेखि थाईल्याण्ड र नेपालसम्मको अनुभव बटुलेको यस पुस्तक लोकार्पण कार्यक्रममा अभिनेता प्रदीप खड्का, अमृत ढुंगानान, राजन राज पौडेल, अभिनेत्री पूजाना, साहित्यकार दिनेश अधिकारी लगायत अन्य उपस्थित थिए ।

कार्यक्रममा बोल्दै पुस्तक किताव सम्पादक रमेश खड्काले सम्पादनका दौरान आफुलाई बर्मा र थाईल्याण्ड बुझ्न निकै सजिलो भएको बताए । 

कार्कीका हजुरबुवाका पुस्ता त्यतिखेर दोश्रो विश्वयुद्ध ताका बर्मा पुगेका हुन् । गोर्खा सनिकका रुपमा । आज पनि त्याँहा गोर्खाको छुट्टै पहिचान रहेको छ । समिक्षक रामकृष्ण रेग्मीले यस कितावको शैली बगेको बताउंदै डिस्कोर्स लाई फलो गरेको बताए । विदेशमा पढ्न पुगेका, काम गर्न पुगेकाले यो पुस्तक पढ्नै पर्ने बताए ।

अर्का समिक्षक डा.चुडामणि योगीले आफुले जीवन सङ्घर्ष होइन कार्कीका आँखा पढेको बताए ।  फिल्म प्रेम गीत २ मा कार्कीका आमाको भूमिकामा देखिएकी अभिनेत्री चन्दले म्यानमारसंग आफ्नो छुट्टै सम्बन्ध रहेको बताए  । उनले भनिन् ‘मेरो श्रीमान पनि म्यानमार कै हुन्हुन्छ’ ।

१३० वर्षअघि बर्मा पुगेका नेपालीमा नेपालको भाषा, संस्कृति, लवाई, खवाईप्रति निकै सम्मान थियो । आज पनि नेपालप्रतिको माया त्यहाँका नेपालीमा देख्न सकिन्छ  । कार्यक्रममा बर्माका नेपाली बालबालिका बिभिन्न भेषभुषामा उपस्थित थिए । यसले पनि देखाएको थियो । कसरी त्यहाँ पुगेका पुर्खाले नेपालबारे सिकाए भनेर  ।

थाईल्याण्डमा पनि एक लाख भन्दा बढी नेपाली मूलका मानिसहरू बसोबास गरिरहेका छन् ।

त्यस्तै महा नायक राजेश हमालले आफु १६ का हुँदा बर्मा पुगेका कुरा सम्झे । थाईल्याण्डमा बस्ने नेपालीहरुमा नेपालप्रति छुट्टै प्रेम रहेको बताए । उनले भने ‘एकदिन चाँही भाईबहिनीहरु आएर मलाई भन्दै हुनहुन्थ्यो, ओ हो दाई तपाईको बर्मामा फिल्म लाग्दा त हाम्रा स्वास्नी भाँडा मोल्दा मोल्दै छोडेर भाग्छन्’ ।

कार्यक्रममा भावुक हुँदै कार्की कुमारले आफुले धेरै शिक्षा लिन नपाए पनि नेपालका बिषयमा जानकारी दिने विश्वविद्यालय आफ्नै परिवार रहेको बाताए । उनले भने ‘आफ्नो जीवनकालमा एकचोटी पनि नेपाल नदेखेका मेरो परिवारले – नेपालमा यस्तो खाजा खाईन्छ, लगा लगाईन्छ, यस्तो संकृति मनाइन्छ भनेर सिकाउनु भएको थियो’।

उनको आँखामा टिलपिल भएका आँशुले पनि बताईरहेको थियो नेपाली नागरिकता नभए पनि उनीभित्रको नेपालीपन । कार्कीले कार्यक्रममा महाभूकम्पपछि सिन्धुपाल्चोकको माझि वस्तीमा सहयोग गरेको सम्झना गर्दै धुर्मुस सुन्तली फाउन्डेसनलाई नगद रु पांच लाख सहयोग गरे ।

 

---