‘शत्रु गतेले मनोरंजनसंगै संदेश दिन्छ’ - पुर्व प्रधानमन्त्री झलनाथ

प्रदर्शनरत फिल्म ’शत्रु गते’ हेर्न नेकपा एमालेक पुर्व अध्यक्ष तथा प्रधानमन्त्री झलनाथ खनाल पुगेका छन् । राजधानीको बागबजारमा रहेको सिटी म्याक्स हलमा फिल्म हेरेका उनले फिल्मले मनोरंजनसंगै संदेश पनि दिने प्रतिक्रिया दिए ।  

उनि सहित भिम रावल , देबेन्द्र पौडेल , ठाकुर गैरे , जीवन राम श्रेष्ठ पुगेका थिए । पुर्व प्रधानमन्त्री खनालले फिल्म हेर्ने ईच्छा व्यक्त गरेपछि उनको सचिवालयले हलमा विशेष शोको आयोजना गरेको थियो । खनाल सहित अन्य शीर्षस्थ नेताको टोलि फिल्म हेर्न पुगेको थाहा पाएपछी फिल्म ’शत्रु गते’ युनिट हलमा पुगेको थियो । हरिवंश आचार्य , किरण केसी , दीपक राज गिरी , दीपाश्री निरौला र प्रदीप भट्टराई हल पुगेका थिए ।

अधिकाँस राजनीतिज्ञ आफ्नो परिवार सहित फिल्म हेर्न आएका थिए । यसैगरि सोमबार नै सदाबहार नायक भुवन केसी र उनको ब्यानरमा बन्ने फिल्म ’क्याप्टेन’ का निर्देशक दिवाकर भट्टराईले पनि फिल्म हेरेका छन् । कमलपोखरी स्थित सिटी सेन्टरमा रहेको बिग मुभिजमा भुवन र दिवाकरले फिल्म हेरेका हुन् ।

झलनाथले भने ‘फिल्म निकै रमाइलो बनेको छ । हासोले भरिएको छ भने हर चिजलाई हाँसोमा टुंग्याईएको छ । फिल्म आधुनिक छ । हसाउन सफल छ । फिल्मको चर्चा सुनेर आएको थिए , आफ्नो समय खेर फाले जस्तो लागेन । फिल्म मन परेकैले सम्पूर्ण समय बसेर फिल्म हेरे । फिल्मले मनोरंजनसंगै संदेश पनि दिन्छ । मह जोडीको काम उत्कृष्ट छ’ ।

प्रदीप भट्टराई निर्देशित यस फिल्म सत्रु गतेलाई मह सञ्चारको ब्यनारमा निर्माण गरिएको छ । फिल्ममा पल शाह, आँचल शर्मा, प्रियंका कार्की, दीपा श्री निरौला, दीपक राज गिरी, हरिवंश आचार्य, मदन कृष्ण श्रेष्ठ लगायतको मुख्य अभिनय छ । किरण केसी प्रस्तुतकर्ता रहेको यस फिल्मका कमेडी पक्षलाई दर्शकले अत्याधिक रुचाएका हुन् । हरिवंश आचार्यको कथामा बनेको यस फिल्ममा निर्देशक प्रदीप अनि दीपकराजको पटकथा, संवाद भने निर्देशक प्रदीप र हरिवंश आचार्यको रहेको छ ।

दिर्घ गुरुङले खिचेको यस फिल्ममा मित्र गुरुङको सम्पादन रहेको छ । दीपकराज गिरी , दीपाश्री निरौला , नरेन्द्र कंसाकार , शिवहरी पौडेल , यसोधा श्रेष्ठ र रमिला आचार्य फिल्मका निर्माताहरु  हुन्  ।

 

 

 

 

 

---