दर्शकले काँधमा उचाले 'सत्रुगते' निर्देशक प्रदीपलाई...

प्रतिक्षित मानिएको फिल्म ’शत्रु गते’ शुक्रबारबाट अल नेपाल प्रदर्शनमा आएको छ। प्रदीप भट्टराईको निर्देशनमा बनेको यस फिल्मलाई दर्शकले निकै रुचाएका छन् ।

करिव ११ वर्षपछि मह-संचारले निर्माण गरेको यस सोसल कमेडी ड्रामामा अभिनेता पल शाह, मदन कृष्ण श्रेष्ठ  , हरिवंश आचार्य,  दीपकराज गिरी, दीपा श्री निरौला, प्रियंका कार्की, बसुन्धरा भुसाल, आँचल शर्मा, राजाराम पौडेल, किरण केसी लगायतको मुख्य अभिनय छ ।

फिल्मको बिहानी रिपोर्ट बुझ्न पुगेका हामीले काठमाडौँको कुमारी हलमा केहि फरक दृश्य देख्यौं । ‘प्रदीप दाई’, ‘प्रदीप दाई’ भन्दै केहि युवाहरुले फिल्मका निर्देशक प्रदीपलाई काँधमा बोक्दै थिए । झट्ट हेर्दा प्रदीपले कुनै खेल जितेर खुशियाली मनाएको आभास हुन्थ्यो । त्याँहा, उनले केहि खेल जितेका थिएनन् तर सत्रुगते मार्फत दर्शकको मन जितेका रहेछन् ।  उता उनलाई ठुलो हुटिंग सहित दर्शकले बोक्दै गर्दा, अभिनेत्री दीपा श्रीलाई भने सेल्फी खिच्ने दर्शकले घेरिसकेका थिए ।  एक दर्शकले भने निर्देशक भट्टराईले निकै राम्रो फिल्म बनाएको बताउंदै उनलाई ढोग्न पनि भ्याए । यी दृश्यहरु आँखाका अघि फिल्म झैँ लाग्ने किसिमको थियो ।  निर्देशक भट्टराई दर्शकको त्यस किसिमको मायामा खुशी देखिए  ।  पछिल्ला समय अधिकांश हिरोलाई नै दर्शकले बोक्ने अनि ठुलो हुटिंग गर्ने गर्थे ।  तर,  शुक्रबार भने निर्देशकलाई बोक्ने युवा जमात देखियो । पल त्याँहा उपस्थित हुँदो हो त, उनलाई पनि दर्शकले त्यसरी नै बोक्थे होला ?  कुमारीको त्यो भिडले गुन्जयमान आवाजमा सत्रु गतेको प्रसंशा गरिरहेका थिए ।

कुमारीमा बिहानी शो को अकुपेसी ८० प्रतिशत रह्यो ।  वितरक गोपाल काजी कायस्थका अनुसार राझधानीका सम्पूर्ण हलहरुमा फिल्मको अकुपेसी ८५ प्रतिशत रहेको छ । सत्रु गतेको शो कस्तो छ दाई हामीले फोन संवादमा वितरकलाई सोध्यो ? उनले भने ‘बबाल छ ,सबै हालमा दर्शक ८५ प्रतिशत छन्’ ।

हरिवंशको कथामा तयार भएको यस फिल्मका  प्रस्तुतकर्ता किरण केसी हुन् । फिल्ममा हरिवंश आचार्यको कथा रहेको छ । फिल्ममा निर्देशक प्रदीप अनि दीपकराजको पटकथा, संवाद भने निर्देशक प्रदीप र हरिवंश आचार्यको रहेको छ । दिर्घ गुरुङले खिचेको यस फिल्ममा मित्र गुरुङको सम्पादन रहेको छ । दीपकराज गिरी , दीपाश्री निरौला , नरेन्द्र कंसाकार , शिवहरी पौडेल , यसोधा श्रेष्ठ र रमिला आचार्य फिल्मका निर्माताहरु  हुन्  ।

---