मोफसल रिपोर्ट, श्रावण २३ बाट देशभर रिलिज भएको फिल्म कोहिनूरले प्रदर्शन भएको लगभगसम्पूर्ण हलहरुमा १ महिनाको प्रदर्शन अवधि पुरा गरेको छ । चौथो साता पुरा गरेर पाँचौ सातामा प्रवेश गर्दा समेत फिल्मले थोरै मात्रामा पर्दा संख्या गुमाउदै छ । झन्डै ९ करोडको ग्रस व्यापार गरिसकेको फिल्म हेर्न अझै पनि दर्शकको फलो हलमा घटेको छैन । ओपनिङ्ग समेत राम्रो गरेको फिल्मले नायक एवं निर्माता श्रीकृष्ण श्रेष्ठको निधन पछि देशभरकै हलमा आक्रामक व्यापार गर्न सफल भएको थियो ।

श्रीकृष्णलाइ अन्तिम पटक उनि अभिनित फिल्म हेरेर समवेदना प्रकट गर्न हलमा दर्शक त आएका थिएनै भने फिल्मको कथाबस्तु र प्रस्तुतिकरणले गर्दा फिल्मको वर्ड अफ माउथ पनि बलियो भएको थियो । फिल्म प्रदर्शन भैरहेको पूर्वी नेपालको अधिकांश स्टेसनमा फिल्म पाचौ सातामा प्रवेश गर्दा फिल्म हेर्ने दर्शक अझै कोहिनूर हेर्न हल आइरहेका छन् । पुर्वको दमक बिर्तामोड धरान झुम्का लगायतका स्टेसनमा फिल्मले हल संचालन भए देखिकै ऐतिहासिक र रेकर्ड राख्ने कलेक्सन गर्न सफल भएको सम्बन्धित हलसंचालकले जानकारी गराएका छन् । हल संचालक र वितरकले

जनाए अनुसार यो व्यापार हल खोले देखि अहिले सम्मकै सर्वाधिक हो । फिल्म हेर्न मानव सागर नै हलमा ओर्लेको थियो भने भिड नियन्त्रण गर्न प्रहरी परिचालन गर्नु परेको थियो रबिगतमा न कुनै फिल्मले यतिको दर्शक हलमा ल्याएको नतआउने दिनमा कोहिनूरले गरेको व्यापार अन्य फिल्मले तोड्न सक्ने हलसंचालकको दाबी रहेको छ । श्रीकृष्णको निधनले हलमा दर्शकको भिड ल्याए पनि फिल्म हेरेको एक  दर्शकले अन्य ३० जना लाइ फिल्म हेर्न सिफारिस गरेकोले यो अवधिसम्म पनि फिल्मको व्यापार नघटेको उनीहरुको तर्क रहेको छ । धरानको गणेश टाकिजका म्यानेजर भोलामान श्रेष्ठ आफ्नो हलमा करिब २७००० भन्दा बढी दर्शकले फिल्म हेरिसकेको डाटा प्रस्तुत गर्छन । 

यसअघि सुपरहिट मानिएको फिल्म समेत २ हप्ता मात्रै चलेको र  कोहिनूरको १ महिने अवधिमा हलमा फिल्म हेर्न नआउने दर्शक देखि लिएर १५ वर्ष पछि फिल्म हेर्न आएका दर्शक समेत आफुले भेटेको उनको कथन थियो । उता पाथिभरा चित्र मन्दिर दमकका म्यानेजर एवं कोहिनूरको पुर्वान्चल वितरण हेरिरहेका चैतन्य बराल समेत आफ्नो फिल्म प्रदर्शन एवं वितरणको लामो अनुभवमा दर्शकको यत्रो भिड र कलेक्सन कहिले नदेखेको बताउछन् ।
पुर्वका ग्रामिण स्टेसनको रुपमा रहेका हलमा समेत फिल्मले रेकर्ड कायम गर्ने व्यापार गरेको छ भने कमै मात्रै नेपाली फिल्म चल्ने बिराटनगर राजविराज इनरवा दुहबी लगायतका तराई क्षेत्रमा समेत फिल्मको कलेक्सन उच्च रहेको छ ।