शुक्रबारदेखि प्रदर्शनमा आएको फिल्म ‘कान्छी’ले शनिबार राजधानीका अधिकांश हलहरुमा हाउसफुल दर्शक कमाएको छ । कान्छी श्वेता सहितको टिम दर्शक प्रतिक्रिया बुझ्न हलमा शनिबार पुग्दा श्वेता र दया हाङ राईलाई भेट्न दर्शकको महासागर ओर्लिएको थियो ।  

शनिबार गोपीकृष्णमा पुगेका टिमलाई हेर्न दर्शकको ओईरो लागेको थियो  । श्वेता र दया अनि प्रज्वललाई हेर्न आएका भिड थामी नसक्नु थियो ।  दर्शक सम्बोधन गर्दै अभिनेत्री श्वेताले गोपीकृष्णको प्राङ्गणमै फिल्ममा समावेश चरी चट्ट परि र यो जिउ दाउमा लाउने बोलको गीत गाएकी थिईनन् । त्याँहा उपस्थित मासले उनलाई गीत गाउन साथ पनि दिएका थिए । भिडबाट अभिनेता प्रज्वललाई  डाक्टर भनि पुकार्ने पनि निकै थिए । कत्ति दर्शकले भने श्वेता र दया अनि प्रज्वलसंग भिड छिचोल्दै सेल्फी पनि खिच्न भ्याए । लामो समयपछी दर्शक भेट्न हल पुगेकी कान्छी श्वेताले पनि उक्त भिड मै सेल्फी खिच्न भ्याईन् ।

छोरिको यस्तो प्रगति उन्नती देखेर आफु निकै खुशी भएको श्वेताकि बाबा  बसन्त श्रेष्ठले न्युज पेज थ्रीलाई जनाए । भिडमा श्वेताका लागि बडीगार्डको व्यवस्था पनि गरिएको थियो । दुई महिला र चार पुरुष बडीगार्डसहित श्वेता उक्त भिडमा दर्शकलाई भेट्न पुगिन् ।  निर्देशक आकाश अधिकारीले पनि कान्छी हेर्ने दर्शकको घुइंचो नै फिल्म युनिटको सफलता रहेको बताए ।

धेरै टाडादेखि श्वेता अभिनीत फिल्म हेर्न महिला-दिदीबहिनीहरु गोपीकृष्णमा आएका थिए । टिकट काटेका कत्ति दर्शक  भने प्रवेश द्वारमा एक घण्टादेखि फिल्म हेर्न कै लागि त्याँहा उभिएका थिए । कोहिनुरपछी श्वेताको यो फिल्म हेर्न आफु आतुर रहेको श्वेताकि एक फ्यानले बताए  ।  

वितरक गोपाल काजि कायस्ठका अनुसार शुक्रबार फिल्मको ८० प्रतिशत अकुपेन्सी थियो भने शनिबार शतप्रतिशत रहेको उनले जनाए ।

अष्टनारायण हलमा फिल्म युनिट पुग्दा दुई परिवारले आफुहरुले अन्य हलमा टिकेट नपाएपछी, अष्टमा आएको बताए । २ बजेको शो हाउसफुल भएपछी ५ बजेको शो हेर्न घन्टौं कुरेको कुरा पनि उनीहरुले संचारकर्मीलाई बताए । अष्टनारायणमा  श्वेतालाई भेट्न  जम्म भएको भिडका कारण त्याँहा आधा घण्टा ट्राफिक जाम पनि भयो ।  जाममा परेको गाडी र मोटरसाइकलमा सवार दर्शकले पनि श्वेताको फोटो आफ्नो मोबाईलमा खिच्न भ्याए ।

ट्राफिक जाममा अष्टनारायण अस्तव्यस्त देखिएको थियो । तर , आधाघण्टापछी भिड शान्त भयो ।

फिल्ममा दया र श्वेताका अतिरिक्त अनु शाह, भूमिका श्रेष्ठ, नीर शाह, प्रज्वल सुजल गिरी, आशान्त शर्मा, कामेस्वोर चौरासिया, बिनोद न्यौपाने लगायतको मुख्य अभिनय छ । यम थापाको कथामा बनेको यस फिल्ममा  पुरुषोत्तम प्रधानको छायांकन, ,रामशरण कोइरालाको साहयक निर्देशन, बनिष शाह/भुपेन्द्र अधिकारीको सम्पादन,शम्भुजित बास्कोटा, अर्जुन पोखरेल, राजनराज सिवाकोटीको संगीत र बसन्त श्रेष्ठको नृत्य निर्देशन रहेको छ  ।