‘’ये एक्च्यल है, गरिब परिवारके सादी, और हिरो हिरोईनके एक्टिंग है ना सेम एकदम पुरा लगैछे के पुरा रियालिटी,त ये हिसाब से फिल्म संदेशमुलक भी है , रमाईलो तो रमाइलो है फर्स्ट टाईम मे’’

फिल्म राज्जा रानी हेरिसकेपछी एक दर्शककले दिएको प्रतिक्रिया हो यो । जनकपुरमा अवस्थित  रामजानकी हलमा मैथली भाषामा फिल्म ‘’राज्जा रानी’’ले  रेड कार्पेट प्रिमियर सम्पन्न गर्यौ । फिल्म हेरेपछि आफ्नै परिवेशको कथाबस्तु, भाषा र बिषय समेटिएको भन्दै कंयौ दर्शकले फिल्म मन पराए  ।

छोरीको हात समाई फिल्म हेर्न आएका अभिभावकले हलबाट बाहिर निस्कँदा कसम पनि खाए, दाईजो नलिने/नदिने भनि । लगभग ७ वर्षकी छोरीलाई डोर्याउँदै एक आमाले हल रिपोर्ट बुझ्न पुगेका संचारकर्मीलाई भने  ’’मेरो बिबाहमा दाईजो लिईयो, तर छोरीको बिबाहमा हामी लिंदैनौ,दिंदैनौ, दाईजो प्रथाको बिरोध गर्छु, फिल्म नेक छ।’’

प्रिमियरमा फिल्मका मुख्य अभिनेता नाजिर हुसेन र केकी अधिकारीको विशेष स्वागत गरियो  । जानकी मन्दिरबाट नाजिरलाई बग्गी/रथ र केकीलाई मिथिलाकै पुरानो, परम्परागत डोली चढाई हल रामजानकी सम्म पुर्याइएको थियो । हल प्रवेशद्वारमा नाजिरलाई भेट्न कंयौ युवा दर्शक झुम्मिएका थिए ।डोली चढेकी केकीले भनिन् ‘’पहिलो चोटी डोली चढीरहेछु, नर्भस छु, जानकी मन्दिरमा बिबाह भएर कतै पठाईराछ, फिल भैईराछ ।‘’ नाजिर सवार बग्गीमा केकी पुगेपछि दर्शकको चर्को हुडिंग आएको थियो ।

नाजिरले भने आफु सवार बग्गीबाटै दर्शक माझ फिल्मक डाईलग बोलेका थिए । रेड कार्पेटमा हिंड्दा कति दर्शकले आफ्नो मोबाईलमा उनि दुईलाई कैद गर्न पनि भ्याए । फिल्म हेर्न जनकपुरका राजनीतिज्ञ, समाजसेवी, राज्जा रानी टिम र पत्रकारको सहभागिता थियो ।

काठमाडौँदेखि मिथिला प्रिमियरमा अपुगेका यमले प्रिमियरमा सहभागी भएपछी भने ‘मैथली मलाई आउँदैन, तर मैथलीमा फिल्म बनाए । नेपाली भन्दा मैथलीमा फिल्म सुट भएको लाग्यो, आज म सन्तुष्ट छु ।त्यस्तै मैथली निर्माता राजकुमार महतोले फिल्मले दाईजो प्रथा बिरुद्धमा आन्दोलनको रुप लिने बताए । उनले भने ‘आजसम्मको  नेपाली फिल्मले मधेसलाई जुन हिसाबले प्रस्तुत गरेको थियो, त्यो भन्दा निकै फरक र सकारात्मक हिसाबले यो फिल्ममा प्रस्तुत भएको छ, फिल्मले आन्दोलनको रुप लिन्छ भन्ने  जस्तो लाग्छ मलाई ।‘ उनको संस्था भोरले भने बाल विवाह र दाइजो प्रथाविरुद्ध अभियान चलाइरहेको छ ।