फिल्म 'फिर्के'ले बुधबार काठमाडौँमा कार्यक्रम गर्दै ट्रेलर सार्वजनिक गरेको छ । एक समयका चर्चित हास्यकलाकार सुलेमान शंकर उर्फ 'ईकु', ऋचा शर्मा, अर्पण थापा अभिनित फिल्मको ट्रेलर कमेडी शैलीमा प्रस्तुत गरिएको छ ।  

'ईकु' कै प्रस्तुतीमा बनेको यस फिल्मले पछिल्लो समय लगातार फिल्मको पोस्टर र गीत सार्वजनिक गरेका थिए । हास्यकलाकारको बाहुल्यता रहेको यस फिल्ममा अर्पण, सुलेमान र ऋचाका अलावा क्रिष्टिना पौडेल, बिष्णु सापकोटा, अर्जुन गुरुङ्, उज्ज्वल भण्डारी, पुरन थापा लगायतका कलाकारहरुको अभिनय छ । 

हेर्नुस् ट्रेलर;



टेलिसिरियलमा 'बेमान'को नामले परिचित हास्यकलाकार रवि डंगोलले यस फिल्मलाई निर्देशन गरेका हुन्। कला क्षेत्रमा बिताएको २७ बर्षको अनुभवमा उनले १ वर्षअघि तामाङ, नेपाली र नेवारी गरि तिन भाषामा मल्टिकल्चरल फिल्म पनि बनाएका थिए । तर, त्यसको खासै चर्चा भएन । कार्यक्रममा निर्देशक डंगोलले आन्तरिक कारणले गर्दा 'फिर्के' पौष २१ लाई सरेको जानकारी मिडियालाई  गराएका छन् । फिल्मबारे बोल्दै उनले भने ‘’दिपक दाई सधै भानुहुन्छ, चलचित्र भनेको सबैले बनाउने कुरा त्यहि हो, अलिकति फरक प्रस्तुतिले चलचित्र राम्रो भन्ने हुन्छ, सायद त्यो प्रयास मैले गरे जस्तो लाग्छ ।‘’

कार्यक्रममा उपस्थित अभिनेता/निर्माता दीपक राज गिरीले ‘’फिर्के’’टिमलाई सुभकामना दिए । आफ्नो विधा हास्य सम्बन्धि रहेको बताउंदै उनले भने  ‘’म त चाहन्छु, हामी हास्यकलाकारले बनाएको सबै फिल्म राम्रो बनोस् ।‘’

त्यस्तै, प्रस्तुतकर्ता सुलेमानले भने फिल्म ‘’ईकु’’ भन्दा फिर्के फरक रहेको बताए  । फिल्मको यस्तो कार्यक्रममा कलाकारहरुको कम उपस्थिति देख्दा आफुलाई नमज्जा लागेको बताउंदै हास्यकलाकार जितु नेपालले पनि टिमलाई बधाई दिए । कार्यक्रममा उपस्थित चलचित्र निर्माता संघका अध्यक्ष आकाश अधिकारीले निर्माण टिमलाई बधाई भन्दै चलचित्र बिकास बोर्ड र निर्माता संघको पहलमा सुचना तथा संचार मन्त्रालयले बक्स अफिसको डेमो सफ्टवेयर प्रस्तुत गरेको जानकारी गराए । ‘’संचार मन्त्रालयले बक्स अफिस भनेर मात्र, ई-टिकेटिङ ल्याउन लागीरहेको छ, त्यसमा कदापि निर्माता संघ मान्दैन र हामी निर्माता मान्दैनौ । हामीले खोजेको कम्प्लिट बक्स अफिस हो ‘’ उनले भने ।

अभिमन्यू निरबीको कथामा बनेको यस फिल्म ‘’फिर्के’’मा भने  ओमलाल गुरुङ् र राजेश श्रेष्ठको लगानी रहेको छ । अष्ट महर्जनको द्वन्द्व निर्देशन रहेको 'फिर्के'मा मित्र डि. गुरुङ्को सम्पादन, राम कुमार केसीको छायांकन, । फिल्मलाई काठमाण्डौ उपत्यकामा गोपाल कायस्थ र मोफसलमा एफ डि कम्पनीले वितरण गर्नेछ।