आईटम डान्स/गीत मा प्रख्यात छ, बलिउड उद्योग । सन् २०५१ मा नै बलिउडले फिल्ममा आइटम डान्सको प्रयोग गर्न थालिसकेको थियो  । बलिउडमा आएको कति समयपछी नेपालले पनि यसको प्रयोग गर्न थालेको हो ।

फिल्मको प्लटमा यसको आवश्यकता नरहे पनि फिल्मको कथालाई सपोर्ट गर्न, मनोरंजन दिने उदेश्यका साथ फिल्मकर्मीले यसको प्रयोग गर्ने गरेको पाइन्छ । फिल्ममा मसला थप्ने काम गर्छ आईटम गीतले । त्यसैले फिल्मलाई मसलेदार बनाउनका लागि फिल्मकर्मीले आईटम गीतको प्रयोग गर्ने गरेका हुन् ।

समयसंगै  आईटम डान्सको प्रस्तुतिमा निकै परिवर्तन आए  । तर, यसको प्रयोग भने हिजो थियो, आज पनि छ । नेपालमा फिल्मको सुरुवात हुँदा त्याँहा आईटम डान्सको प्रयोग देख्न सकिन्छ । १९६६ तिर बनेको नेपाली फिल्म ‘’माईतीघर’’मा  समावेश ‘’म प्यार बेचिदिन्छु’’आईटम गीतले फिल्म क्षेत्रमा परिवर्तन नै ल्यायो ।

त्यस समयका नेपाली फिल्महरु, आइटम गीत बिनाका कुनै थिएनन् । फिल्म सरस्वतीको गीत लाली जोवन कालो केश चलेको समयमा आईटम गीतहरुले निकै बजार तताएको थियो । त्यस्तै अभिनेत्री झरना थापा अनि रेखा थापाका समयमा उनीहरुले पनि निकै हिट आइटम गीतमा गरेका छन् ।

आइटम गर्ल  अश्लिल प्रस्तुतिमा जोडिदैन, तर उनको परिरनमा भने तडकभडक हुने गर्छ । आइटम गर्लले फिल्मको गीत मार्फत दर्शकलाई मनोरंजन दिने मात्र नभई यसले फिल्मभित्रका पात्रलाई पनि मनोरंजन दिने गरेको दृश्य तपाई पर्दामा देख्न सक्नु हुन्छ  । कम्जोर होइन तर उनीहरुलाई बोल्ड अवतारमा प्रस्तुत गरिएको हुन्छ ।

 अहिले आईटम गीतको प्रयोग कमै देखिन्छ । तर लोप नै भएको भन्ने चाँही होईन । हामी यहाँ केहि यस्ता अहिलेका अभिनेत्री चिनाउन चाहन्छौं जो अभिनयसंगै आइटम डान्सका कारण पनि परिचित छन् ।

सुष्मा कार्की
केहि समय अघि फिल्म लुटको आइटम गीत ‘’उध्रेको चोली’’ निकै चर्चामा आयो । अभिनेत्री सुष्मा कार्की अभिनित गीतले दर्शकमा चर्चा कमाउनुका साथै सुष्मालाई पनि निकै चर्चामा ल्याएको थियो   । सानैदेखि नृत्यमा रुची राख्ने सुष्माले फिल्मको आइटम गीतहरुमा अभिनय गरेकी छिन् । मिसन खेलाडी फिल्मको ‘’दिलकी रानी’’ले पनि उनलाई चर्चामा ल्याएको थियो  । ‘’उध्रेको चोली’’ले उनलाई नेपाली बजारमा आइटम गर्लको रुपमा चिनायो पनि । उनको नृत्यमा फेसियल एक्सप्रेसनको कमि पनि हुँदैन ।

माला लिम्बु
माला लिम्बु आफुलाई आइटम गर्ल भनेको रुचाउदिनन् । तर, कंयौ दर्शकबीच उनि ‘’काले दाई’’को आइटम गर्लका रुपमा परिचित छिन् । फिल्म रातो घरको झक्कास् झापाली अनि पर्वको ‘’काले दाई’’ आइटम गीतले मालालाई दर्शकमा चिनाएको हो । माला सानै देखि स्टेजमा नृत्य प्रस्तुत गर्थिन । ‘’काले दाई’’मा गरेको अभिनयमा उनले धेरै प्रसंसा पनि बटुले ।

नम्रता सापकोटा
राजेश हमाल अभिनित फिल्म  सकुन्तलाको आइटम गीत ‘’कोहि छ’’ मा अभिनेत्री नमरा सापकोटाको अभिनय देख्न सकिन्छ । नम्रताले निकै म्युजिक भिडियो गरेकी छिन् । ‘’कोहि छ’’ मा आइटम डान्स प्रस्तुत गरेकी नम्रता पछिल्लो समय फिल्म छक्का पन्जामा देखिएकी थिईन ।

एलिसा राई
एउट्टै गीतबाट करोडौं दर्शकको मन जितेकी अभिनेत्री हुन् एलिसा । लूट २ को ‘’ठमेल बजार’’ गीतले एलिसालाई निकै चर्चामा ल्यायो । दया हाङ राई, विपिन कार्की , निश्छल बस्नेत संग उनले यस गीतमा कम्मर मर्काएकी छिन् । ‘’ठमेल बजार’’बाट चर्चा कमाएकी एलिसाले अहिले निकै म्युजिक भिडियोहरु गरेकी छिन् ।

सुमी मोक्तान
फिल्म दुई रुपैंयाको टल्क्यो जवानीले चिनाएको एक अनुहार हो, सुमी मोक्तान । आसिफ शाह र निश्चल बस्नेतसंग कम्मर मर्काएपछी सुमीको जवानी नभई नाम टल्क्यो । गीतले उनलाई दर्शकमा चिनायो पनि ।  सुमीले सिमोस सुनुवार निर्देशित फिल्म झ्यानाकुटीमा डेब्यु अभिनय पनि गरेकी छिन् ।

माथि प्रस्तुत गरेको जानकारीमा  अन्य नाम पनि छुटेका छन् । यदि तपाइ अन्य नाम पनि थप्न चाहनु हुन्छ ? भने कमेन्टमा गई कमेन्ट गर्न सक्नु हुन्छ ।