छठ पर्व देखि झन्डै एक सय हममा रिलिज भएको फिल्म ’ऐश्वर्य’ ले सुरुवाती व्यापार आक्रामक गरेको छ । कलाकारको रुपमा लामो समय विताएका रमेश उप्रेतीको निर्माणमा डेब्यु रहेको फिल्मलाई दर्शकले रुचाएका छन् ।

फिल्मलाई बिहानी शो मा ८० देखि ९० प्रतिशत अकुपेन्सी मिलेको थियो भने त्यसपछीको शो मल्टिप्लेक्सका हल क्युएफएक्स , बिग मुभिज , क्युज सिनेमा , एफक्युब लगायत गोपी कृष्ण , गुण सिनेमा , अष्टनारायण पिक्चर्स लगायत मोफसलको मुख्य स्टेसन पोखरा , नारायणगढ , हेटौडा र पुर्वका स्टेसनमा हाउसफुल भएको थियो ।

वितरकका अनुसार फिल्मले उपत्यकामा २८ लाख ८६ हजार १०७ रुपैयाको ग्रस कलेक्सन गरेको छ भने मोफसलमा १९ लाख ३० हजार ५७५ को ब्यापार गर्न सफल भएको छ । पहिलो दिनको टोटल ग्रस कलेक्सन ४८ लाख १६ हजार ६ सय ८२ गरेको छ । राजधनीमा आयोजित प्रेस शो मा यसलाई अधिकाँसले रुचाएका छन् ।

विशेष गरि यसको मेकिङको चर्चा निकै भएको छ भने फिल्ममा बोलिएको संवादले पनि दर्शकको तालि पाएको छ । आयोजित प्रेस शो मार्फत फिल्मका भिलेन प्रशान्त ताम्राकार अभिनेत्री केकी अधिकारी र डेब्यु गर्ल दीपिका प्रसाईंले सबैको बधाई पाए । रमेशले पनि अघिल्ला फिल्म भन्दा राम्रो गरेको प्रतिक्रिया बटुलेका छन् तर दर्शकका लागि फ्रेस प्रशान्तनै केन्द्रविन्दुमा रहे ।

 दिवाकर भट्टराईको लेखन तथा निर्देशनमा तयार भएको फिल्ममा केकी , रमेश , प्रशान्त र दीपिकासंगै बिकाश खतिवडा, अर्जुन श्रेष्ठ , निर्मल शर्मा, केशव भट्टराई , अर्जुन जंग शाही लगायतको अभिनय रहेको छ । संगीतकार अर्जुन पोखरेलको संगीत तथा शब्द रहेको तिमि रोएको पल गीतले पछिल्लो समय फिल्मलाई चर्चामा ल्याएको छ । यस गीतमा स्वर सुगम पोखरेल र अन्जु पन्तको रहेको छ ।

 रमेश उप्रेती ( फिल्मले आक्रामक सुरुवात गरेकोले खुशी भएको थिए नै साथै दर्शकले मन पराउनु भएपछी ढुक्क भए । मैले दर्शकले हेर्न चाहेको किसिमको फिल्म बनाएको महसुस भएको थियो , जसलाई रिलिज भएसंगै दर्शकले प्रस्ट्याईदिनु भयो । फिल्म हेरेपछि मलाइ अल नेपालबाट नै सकारात्मक प्रतिक्रिया आएको छ ।

फिल्मको मेकिङलाई निकै तारिफ मिलेको छ भने विषयवस्तुलाई पनि उतिकै रुचाउनु भएको छ । हामीले गरेको मेहनतलाई दर्शकले रुचाउनु भयो यसले मलाइ थप हौसला मिलेको छ । म आफै पनि दिनभर हलमा पुगेर दर्शकलाइ भेटे प्रतिक्रिया लिए , यसैले पनि म यसरि ढुक्क भएर बोलिरहेको छु ।