गणेशदेव पाण्डे निर्देशित  फिल्म  ‘गाँजाबाजा’ प्रदर्शनको संघारमा छ । शिर्षकका कारण लामो समय विवादित बनेको यस फिल्म आगामी फागुन २५  मा प्रदर्शन हुँदैछ । हालै निर्माण टिमले काठमाडौँमा पत्रकार भेटको आयोजना गर्दै अन्तरक्रिया कार्यक्रम सम्पन्न गर्यो । गाँजाबाजाका निर्देशक, मुख्य अभिनेता र निर्माताले संचारकर्मीसंग फिल्मबारे गरेका सम्पूर्ण कुराकानी निम्न छन् ।

गाँजा खाने दिन चाँडै आउदै छ होइन र ?

निर्देशक (गणेश देव पाण्डे)- होइन गाँजा खाने दिन होइन फिल्म ‘गाँजाबाजा’  हेर्ने दिन आउंदै छ ।

भनेसी गाँजा खानेलाई बाजा बजाउने दिन आउंदै छ ?

निर्देशक - होइन त्यस्तो पनि भन्न पाइंदैन, गाँजा खानेले खान पाउनु पर्छ   ।

त्यसो भए गाँजालाई लिगलाईज गर्नुपर्छ भनें  पक्षमा हुनुहुन्छ तपाई ?

निर्देशक - हो लिगलाईज गर्नुपर्छ, हो ।

फिल्म प्रदर्शनको संघारमा छ,कस्तो लागिराछ, फिल्मको नामले गर्दा पनि विवाद भैईरहेको छ । दर्शक माझ पुग्दाखेरि दर्शकमा नामले कत्तिको असर राख्छ ?  

निर्देशक - हामी कर्मको कुरा हो, राम राम हो भने रामको कर्मले गर्दा राम राम हो । नाम मै सबैकुरा त होइन, तर पनि त्यो नाम पहिचानको रुपमा आको छ  । त्यो सबैलाई थाह भएको नाम हो । हामीलाई राम्रो लागेको नाम हो । राख्न मन लागेको नाम हो । टिमको यस्त्रो दुख लगाएर बनायौं, एक्साईटमेन्ट छ ।

यहाँले बनाउनु भएको फिल्मलाई दर्शकले हेरिसकेपछी गाँजा खानुपर्छ, यसलाई लिगलाईज गर्नुपर्छ या गाँजा खानै हुन्न, के संदेश दिन्छ ?

निर्देशक - त्यस्तो केहि पनि संदेश छैन । हामी गाँजा प्रमोट गर्न आएकै होईन गाँजा खान हुँदैन पनि भन्न आएको होइन ।  यो खालि, गाँजा खानेको पात्रहरुको कथा भनिराको हो हामीले । र, अडियन्सले के लिन्छ भनें कुरा, रमनराघव हेरेर एउटा मर्डररको फिल्म हेरेरे सबैले मर्डर गर्दै हिंड्छन्  भन्ने त पक्कै छैन ।

ट्रेलरमा प्रयोग गरिएका संवादको चर्को आलोचना भयो, त्यो चाँही आम मानिसलाई भन्दा पनि युवा लक्षित फिल्म थियो ?

निर्देशक - मैले त्यस्तो लक्षित गरेर फिल्म बनाएकै होइन । मलाई एउटा कथा भन्न मन लाग्यो, सिम्पल जुन मेरो दिमागमा थियो ।

तर, युट्युबमा जुन संवाद थियो त्यो हेर्न पाईयो, तर हलमा पाएन नि ?

निर्देशक - हलमा पनि पाउनुपर्छ । म एरोटिक फिल्म बनाउछु बहने मैले त्यो दृश्यहरु राखेर फिल्म बनाउन पाउनुपर्छ । यो हिपोक्रेसी हो, यो गलत हो   । सेन्सरशिपको बिरुद्धमा छु म । सेन्सरशिप भनें हुनुनै हुँदैन । सेन्सरशिप भन्ने कुरा नै हट्नुपर्छ । आखिर रमनराघव र उड्ता पन्जाब पनि यहि थियटरमा सेन्सरशिपबिना नै रिलिज हुन्छ भनें व्ह्याई ‘गाँजाबाजा’ ।

भोली फिल्म सेन्सर भैईदिएन भने के हुन्छ ?

निर्देशक - फिल्म सेन्सर भैईदिएन के हुन्छ भन्ने कुरा त्यहि बेला थाह होला । म त सेन्सर हुन्छ भनेर गाछु । सेन्सर हुनहुँदैन खाली सर्टिफिकेसन हुनुपर्छ, कि यो वर्गको हेर्ने  । इन्टरनेटमा पोर्न छ्यापछ्याप्ती छ भन्दैमा जसले पायो त्यसले बाटोमा हेर्दै हुन्छ र भनें हो  । अडियन्सलाई नै थाह छ, कुन  सहि छ भनि ।

ट्रेलरमा तपाइले अरुलाई धेरै गाली गर्नु भएको छ, ट्रेलर हेरिसकेपछी तपाईलाई गाली गर्ने चाँही कत्तिको पाउनु भो ?

सुशील - मलाई त गाली भन्दा पनि, पहिलो कुरा त सबैले राम्रो गरेको छ भन्नु भो  ।

फिल्मको नामका कारण उठेको विवादले तपाईलाई कस्तो असर पर्यो ?

 सुशील - अब अडियन्सले सोधिराख्नु हुन्थ्यो गाँजाबाजा कहिले रिलिज हुन्छ भनेर, म भन्दै गर्थे यस्तो विवाद परेको छ  भनेर, अहिले चाँही कसैले सोध्नु भएको छैन । सोध्नुहुन्छ भने म सिधै भनिदिन्छु, गाँजाबाजा फाल्गुन २५ ।

जस्तो ट्रेलर हेर्यौं, गाँजासंग तपाई एकदम फ्यामिलिएर देखिनुहुन्छ । फिल्म गर्नुभन्दा अघि कत्तिको फ्यामिलिएर हुनुहुन्थ्यो कि फिल्म गरिसकेपछी अब चाँही धेरै फ्यामिलिएर हुनुभयो ?

सुशील - एज एन एक्टर होइन, मैले हरेक फिल्ममा केहि कुरा सिक्दै जाने  हो ।  मैले आफ्नो काममा शत-प्रतिशत दिने हो । गोरे क्यारेक्टरको लागि मैले खाए । त्यसको साइकोलजी बुझ्नलाई मैले ट्राई गरें, किन चाँही मान्छेले गाँजा खान्छन् र गाँजा खाने मान्छे नराम्रो हुँदैन, राम्रो काम गर्छ भन्ने मैले त्यसपछी थाह पाएँ ।

फिल्म सेन्सर होला कि नहोला भन्ने कुराहरु आईराछन, कस्तो फिल्मको निर्माणमा हात हालेसकेकी छु भन्ने भयो ?

 निर्माता – गाँजाबाजामा हामी त्यतिबेला आएका हौँ, जतिबेला गाँजाबाजाको विवाद  सर्वोच्चमा थियो ।  गाँजाबाजामा हामी सुरुदेखि आएका होइनौ ।  पछी आएका हौँ ।  गणेश देव पाण्डे माथि एउटा जुन सेन्सरशिप भयो बिकाश बोर्डबाट ।  त्यो गलत हो,त्यो कदम हुनुहुँदैन, त्यो लडाईमा साथ दिन हामी आएका हौँ ।

तपाईहरु मन्दिरका टोंडालहरुमा, योन क्रियाकलापमा मुर्तिहरु देख्न सक्नुहुन्छ । त्याँहा न प्लस इटटिन छ, न के छ । त्याँहा कुनै सेन्सरशिप छैन सेन्सर हुन्छ भने पहिला त्याँहा होस् । राज्यले पहिला त्यो मन्दिरमा सेन्सरशिप गरोस जहाँ १८ वर्षभन्दा मुनिका बालबालिका जान पाउंदैनन् ।

फिल्ममा सुशील सिटौलासंगै अभिनेत्री वर्षा सिवाकोटी , अनुपम शर्मा,  रविन थापा,  अम्बर सुवेदी, उद्दव भट्टराई, रक्षा श्रेष्ठ, जीवन भट्टराई, गोपाल अर्याल, कुविर लगायतको मुख्य अभिनय छ ।
 
 दिपेन्द्र रेग्मी र गोमा थापा बिष्ट यस फिल्मका निर्माताहरु हुन् । बाबा सिनेमा निर्माण कम्पनिको सहयोगमा डीआर फिल्मस र टुका इन्टरटेनमेन्टको व्यानरमा बनेको यस फिल्ममा याकोपो रास्लिकको छायाँकन, लोकेश बज्राचार्यको सम्पादन, निख एण्ड जटाको संगीत छ ।