अहिलेका चर्चित कलाकार हुन्-बुद्धि तामाङ । ‘’हैट’’थेगोका कारण उनको चर्चा नेपाली समाजमा व्याप्त छ । अर्को अर्थमा यहि थेगोले नै उनको चर्चा चुलिएको हो ।

फिल्म ‘कबड्डी कबड्डी’बाट चर्चामा आएका उनि अहिले फिल्महरु गर्नमा ब्यस्त छन् । प्रदर्शनरत र प्रदर्शन हुन बाँकी कंयौ  फिल्महरुमा उनको अभिनय देख्न सकिन्छ  ।लगातार प्रदर्शनमा रहेका फिल्महरु उनको अभिनय बिनाका कमै छन् भन्दा फरक पर्दैन  । उनि अभिनित हरेक फिल्ममा ’’हैट’’को प्रयोग देख्न सकिन्छ  । उनि अभिनित फिल्म भन्ने साथै उनको चर्चित थेगोको प्रयोग अवश्य छ भन्ने दर्शक अनि फिल्मकर्मीको बुझाई छ ।

अभिनयमा अब्बल बुद्धिले आफ्नो अभिनयबाट  लाखौं दर्शकको मन जितेका छन्   । आज उनको ’’हैट’’ थेगो कलेज विद्यार्थीदेखि स्कुलका विद्यार्थी अनि बुढापाकाका बीच उनैको शैलीमा सुन्न पाईन्छ  । उनलाई भेट्ने कलाकारदेखि निर्देशक, निर्माता, सबैले त्यहि थेगोले उनलाई सम्बोधन पनि गर्छन् ।

हुन त यस्ता कंयौ थेगो नेपाली दर्शकले प्रयोग गर्ने गर्दछन्, तर सबैले प्रयोग गरेको भएतापनि ‘’हैट’’थेगोलाई नै ब्राण्ड बनाउने कलाकार भने बुद्धि नै हुन् । पछिल्लो समय उनले गरेको हरेक फिल्ममा ’’हैट’’को फ्लेवर मात्र पाईयो,बुद्धिले नयाँ कुरा ल्याएन भन्ने आरोप उनलाई लाग्यो । थियटर कलाकार समेत रहेका उनलाई ’’हैट’’ बिनाको भिन्नै क्यारेक्टरमा आउने मन नभएको होइन । तर निर्देशक निर्माताको डिमाण्ड पनि त्यहि थेगो नै भईदिएपछी उनले त्यसअनुरुप नै अभिनय गरेका हुन् ।  

 भिन्नै क्यारेक्टर गर्ने मन हुँदा हुँदै पनि आफु दोधारमा रहेको उनले मिडियालाई जनाए । हैट क्यारेक्टरसंग म टोटली वेखुशी छु भन्न पनि सक्दिन, खुशी छु पनि भन्न सक्दिन, म बिच्चमा छु, किनभने म यस कारण खुशी छु कि दर्शकहरुले यहि रुचाउनु भा छ, सबैको अपेक्षा अनुसार काम गर्ने हो । अर्को कुरा एज एन एक्टर भिन्न क्यारेक्टरमा अभिनय गर्ने  लोभ  चाहिँ कतै लुकेको हुन्छ’’ हास्दै उनले बताए ।

’’हैट’’नै नजोडिएको प्रोजेक्ट छैन ? मिडियाको प्रश्नमा उनको जवाफ ‘हैट नजोडिएको भिन्न क्यारेक्टरमा  प्रोजेक्टको अफर पनि आएको छ ।‘

हैट प्यारो छ है ? प्यारो पनि  छ गाह्रो पनि छ । छोटो मिठो जवाफमा उनले आफ्नो ठुलो चुनौती पोखे । हैटको डिमाण्ड अनि भिन्न अवतारमा प्रस्तुत हुने आफ्नो इच्छा । उनले भने अनुसार हैट बिनाको प्रोजेक्ट पनि आउने तयारिमा छ  । त्यस प्रोजेक्टले उनको पहिचानमा कस्तो इट्टा थपिएला त्यो पछी नै थाहा हुने कुरा हो ।

तर, अहिले उनलाई यो पहिचान नै प्यारो छ । अबुई! भन्दै मुसुक्क हासिदिने, लजाउने,  उनको आफ्नै शैली छ ।  तपाई   हैट  कि बुद्धि  ? आफ्नो पहिचानका सवालमा उनको भनाई ‘’ हैट भन्ने शब्द र क्यारेक्टर फरक कुरा हो । कसरि फरक हो भन्नाले, माजाले प्रसंगिएर आनन्दले हैट भन्न पाउनु , अर्को क्यारेक्टर बनाएर भन्नु फरक हो । पहिचान चिनिने माध्यम हो हैट भन्नुस, बुद्धि  भन्नुस तर चिन्नुस् ।

मजाकको शैलीमा उनले भने ‘’धेरै हैट हैट भन्दा ह्या! बन्द गर न यार भन्ने बेला पनि हुन लाग्यो कि क्या हो । बाटोमा हिड्दा एकचोटी हैट भन्नुस् त भन्दा खेरि भनौ कि नभनौ भन्ने पनि हुन्छ ।‘’

गाउँबाट पैसा कमाउन शहर पसेका बुद्धिले फिल्म क्षेत्रमा आउनुभन्दा अघि निकै संघर्ष गरेका थिए । अभिनय क्षेत्रमा गर्दै पनि छन् ।  सायद उनको यहि संघर्ष गर्ने बानीले नै होला आज उनि तीन करोड दर्शकको हृदयमा पर्न सफल भएका ।

उनि अभिनित फिल्म  ‘पञ्चेबाजा’ आगामी फागुन ११ मा प्रदर्शन हुनेछ । घनश्याम लामिछानेको निर्देशन, राजेश शाहीको निर्माण रहेको यस फिल्मका  बुद्धिसंगै अन्य कलाकारहरु  सौगात मल्ल, जस्मिन श्रेष्ठ , कर्मा, सिर्जना सुब्बा, प्रकाश घिमिरे, सबिन बास्तोला, प्रमिला तुलाचन, देशभक्त खनाल, युवराज भण्डारी, तेज गिरी र राजेश शाही लगायतको मुख्य भूमिका छ ।