जतिबेला नेपाली चलचित्र क्षेत्रमा व्यापारिक खडेरी लागेको थियो, त्यतिबेला एक्सनमा जम्दै नायक निखिल उप्रेतीको प्रवेश भयो । निखिल आएपछि धमाधम चलचित्र चल्न थाले । जसका कारणले गर्दा निखिलको त उचाई बढ्यो बढ्यो चलचित्र क्षेत्र पनि आकासियो ।

तर, विचमा निखिल हराए । ५ बर्षपछि निखिल फेरि यो क्षेत्रमा आएका छन् । निखिल आएसँगै उनको व्यस्तता बढेको छ । उनी धमाधम अरु ब्यानरका चलचित्र खेलिरहेका छन् । पहिलो चलचित्र आफैले निर्देशन गरेपनि यसपछि भने उनीसँग न त डे छ न त फेरि चलचित्र बनाउने समय नै ।

कुनै बेला निखिलले चलचित्र क्षेत्र नै बचाएका थिए । अहिले चलचित्रको निर्माणक्रम धेरै छ । तर, व्यापारिक रुपमा भने चलचित्र खासै सफल छैनन् । निखिलले पनि आफू चलेको मौका पाएर धमाधम चलचित्र खेलिरहेका छन् । यो बर्षमात्र भने अनुसार रिलिज भयो भने निखिलको ४ वटा चलचित्र हलमा लाग्नेछ । गतबर्ष छोटो समयको अन्तरमै चलचित्र रिलिज हुँदा निखिललाई घाटा लागेको थियो । यो बर्ष त उनका ४ वटा चलचित्र रिलिज हुँदैछन् ।

यस्तो अवस्थामा ४ वटै निर्मातालाई निखिलको लगालग चलचित्र आउँदा फाइदा हुनेछैन । कुनै बेला चलचित्र क्षेत्र नै बचाएका निखिलले अब निर्माता बचाउन तर्फ नी ध्यान दिन जरुरी छ ।