बीर विक्रम मार्फात चलचित्र जगतमा डेब्यु गरेकी अभिनेत्री दिया पुन अहिले काठमाडौँमा छिन् ।  प्रदर्शनको तयारीमा रहेको आफ्नो फिल्म ‘’मिस्टर झोले’’को प्रमोसनका लागि उनि नेपाल आएकी हुन् । लण्डनमा बस्दै आएकी दियालाई पछिल्लो समय दर्शकले पनि निकै रुचाएको पाईन्छ । लण्डनमा बस्दै आएकी दियासंग न्युज पेज थ्रीले गरेको कुराकानी निम्न छन् ।

लण्डनबाट नेपाल कहिले आउनु भो ? नेपालमा  के के हुँदै छ त ?
दुई दिन अगाडी आको । यहि फिल्म प्रोमोसनमा व्यस्त, प्रचार गर्ने मै व्यस्त ।

नेपालमा कति दिन बस्नुहुन्छ ?
दुई हप्ता, किनभने हंगकंगमा चाँही शो हुँदै छ, त्यसको लागि टिमसंग जाँदै छु । नेपाल चाँही दुई हप्ताको लागि ।

काठमाडौँमा रहनु भएको तपाईको फ्यानहरुलाई भेट्ने प्लानिङ पनि होला नि ?
सेड्युल टाइट भएको कारणले कोशिस गरिराछु , अब हेरौं सबैलाई चाँही भेट्न सकिंदैन तर थोरै जनालाई चाँही  भेटिन्छ होला ।

लण्डनमा दियाको  दिनचर्या कसरी बित्छ ।
त्यहि नर्मल लाईफ, वोर्क लाईफ हुन्छ, आफ्नो फ्यामिलीसंग । बिहान उठेपछी ब्रेकफास्ट खाईन्छ ।  त्यसपछि, टाईम छ भने जिम, साथिहरुसंग घुम्न जाने  ।  फ्यामिलीको रेस्टुरेन्ट छ लण्डनमा, त्यहिमा मदत गर्ने  ।

लण्डनमा बस्नुहुन्छ, त्यतै काम गर्नुहुन्छ, नेपाली फिल्महरु पनि गर्नुहुन्छ, नेपाली फिल्मलाई  चाँही केको रुपमा लिनुहुन्छ?
करियर नै हो, किनभने सुरुमा त अब के हो थाह थिएन होइन । केहि अप्सन आथिएन, अब भयो भने भयो, भएन भने भएन भनेर , अघि बढ्नलाई । अहिले प्यासन चाँही करियर ट्रन हुँदैछ  । त्यसको लागि चाँही, जे होस् म्यानेज गरिराख्या छु  ।  डबल लाईफ भनम न ।

सानैदेखिको सोच हो अभिनेत्री  बन्ने ?
सानैदेखि त होइन होला । किनभने मलाई सानोमा चाँही केहि बन्न मन थियो,केहि ठुलो मान्छे बन्ने  सोच थियो, के मा चाहिँ फिक्स थिएन ।  तर मोडलिङमा अलि मोर  इन्ट्रेस्टिङ । स्टिल म मोडलिङ पनि गर्छु, युकेमा पनि मोडलिङ एजेंसी मै जोईन भको छु, काम त्यहिं पनि गर्छु, होइन । यो अपर्चुनीटि चाहिँ मिलन सरबाट पाको थिएँ ।

मिस्टर झोले गरिरहँदा मिलन चाम्सलाई कत्तिको मिस् गर्नु भयो ? एक्सन कटहरुमा!
यस्तो हुन्छ, काममा गएपछी चाहिँ , काम फोकस हुने रहेछ, आफ्नो त्यो पर्सनल लाईफहरु भुल्नु भन्दा पनि त्यो  फोकस गर्दा खेरि चाँही, भनुम न  बिर्सेको होईन तर पछाडी अब क्यारेक्टर खेलेपछि त्यो क्यारेक्टर बन्नलाई चाँही, दिया भनेपछी त्यो त्यो भुलिनेरहेछ, नानु भनेसी निस्कने रहेछ । आफ्नो पर्सनल फ्यामिली फ्रेन्डहरु पछाडी राखिने रहेछ  ।

अभिनय मै प्यासन छ भनेर करियर खोज्दै हुन्हुन्छ , नेपाल मै बसेर अब करियर फोकस हुन्छु भनें मनमा आएन ?
मलाई चाहिँ धेरै फिल्म गर्नु भन्दा पनि एकदम राम्रो क्वालिटीको फिल्म गर्ने मन छ । धेरै गरेर  चाहिँ करियर बन्छ भनें छैन  ।  प्लस फिल्म ईण्डष्ट्रीमा फिक्स हुँदैन के , अब भनम न, म अहिले भर्खर रै, म अब स्टार्ट गर्दै छु, कोलाई के थाह अब नेक्स्ट यर म माथि जान सकिंदैन होला । त्यो एउटा फिक्स हुँदैन, रिस्क  जस्तै हो ।धेरै  फिल्म खेलेर हिट खान्छु, टप लेवलमा पुग्छु,  त्यस्तो त् गर्दिन । क्वालिटी, क्यारेक्टर हेरेर काम गर्छु ।

पछिल्लो समय दर्शकले जुनीको रुपमा तपाईलाई लामो कपाल, गाउँले क्यारेक्टरमा देख्नु भएको छ  । यसपाली मोडर्न लुकमा नेपाल आउनु भाछ, कपाल पनि काट्नु भएछ नि ?  
नर्मली म बिहयांड दी  सिन यस्तै हो । मोडर्न लुक्स नै हुन्छ  । फिल्मको क्यारेक्टरमा त क्यारेक्टर कस्तो चाहिएको छ, त्यहि अनुसार फेरिएको हुन्छ ।

फिल्मको अफर कत्तिको आईरहेको छ ?
दुईवटा प्रोजेक्टको अफर आईराछ । कुरा भैईराछ ।

मिस्टर झोले अर्थात दया हाङ राईसंग दोश्रो स्क्रीन रोमान्स कस्तो रक्यो ?
एकदम मै रमाइलो भयो ।  उहाँसंग काम गर्न एकदम सजिलो छ । उहाँ सिकाउनुहुन्छ । एकदम चिल मान्छे हुनहुन्छ उहाँ ।

विदेशीमा रहनेहरुका लागि लव एण्ड सेक्स  नर्मल नै लिईन्छ, दियाको लागि लव एण्ड सेक्स  कत्तिको नर्मल छ ?
त्यस्तो नर्मल छैन । म स्टिल प्रेजर्भ छु होइन । तर बाहिर बसे पनि, फ्यामिलीले गाईड गर्नु हुन्छ । म  त्यस्तो ओपन छुईन, म अलिकति प्रेजर्भ छु ।

तपाई सिंगल हुनहुन्छ, रियल लाईफमा मिस्टर झोले कैले भेट्ने ?
रियल लाईफमा अब कैले हुन्छ, त्यो त सबैजनाको लेखेको कै हुन्छ होला होइन । अहिले चाहिँ म करियर मै फोकस छु, केटाहरुतिर ध्यान पनि दिएको छैन । काम मै कमित छु ।

मिस्टर झोलेमा तपाइको क्यारेक्टर छ ?
अलिकति चुल्बुली, केटालाई हिर्काउने, फरक क्यारेक्टर छ । ठुलो आवाजमा बोल्नु पर्ने  । जे होस् फिल्म एकदम मै रमाइलो बनाको छ  । सायद दर्शकले पनि रुचाई दिनुहुनेछ ।

तपाईले अभिनय गर्नु भएको फिल्म मिस्टर होले किन दर्शकले हेर्नुपर्छ ?
फ्यामिली सबैजना बसेर हेर्न मिल्ने फिल्म छ । कमेडी रुवाउने किसिमको फिल्म छ, सो दर्शकले मन पराईदिनुहुन्छ ।

दिया अभिनित फिल्म ‘मिस्टर झोले’ पुष २८ मा प्रदर्शन हुनेछ । रामबाबु गुरुङले निर्देशित यस फिल्ममा उनि संगै बुद्दी तामाङ, वर्षा राउत, प्रविन खतिवडा , दीया पुन,  दयाहाङ राई, पुस्कर गुरुङ, अरुणा कार्की, कमल मनी नेपाल, सरोज अर्याल, मनिराम पोखरेल लगायतका कलाकारको मुख्य  अभिनय छ । । टेकेन खड्काको निर्माणमा बनेको फिल्म आर्ट्स र टेकेन खड्का प्रोडक्सनको व्यानरमा निर्मित फिल्म हो,  जसको कार्यकारी निर्माता रौनकविक्रम कँडेल हुन् ।