भोलिदेखि देशभर प्रदर्शनमा आउने फिल्म 'सायद २'पछिल्लो समय ब्लकबस्टर हुन् सफल फिल्मको सिक्वेल फिल्म हो । सायदको सकारात्मक दर्शक प्रतिक्रियाल नै फिल्म युवा दर्शकमाझ प्रतिक्छित बन्न गएको हो ।

पुष्पराज न्यौपानेको निर्देशनमा बनेको यस फिल्मलाई सुनिल रावलले निर्माण गरेका हुन् । पछिल्लो समय निर्माता एवम् कलाकार सुनिलले फिल्म प्रचारका लागि निकै नयाँ नयाँ कदम चालेका थिए जसमा उनलाई दर्शक आफैले पनि साथ् दिएका थिए ।

यस फिल्ममा कलाकारहरु  सुशील श्रेष्ठ , स्यारोंन श्रेष्ठ , अमृत ढुंगाना , कुशल पाण्डे , सुनिल रावल , सुशील सिटौला , निशा कार्की , रुबिना श्रेष्ठ , बुद्धि लाल मगर लगायतको मुख्य अभिनय छ ।फिल्ममा राजु बिक्रम थापाको सिनिमेटोग्राफी , दिर्घ खड्काको सम्पादन , गोबिन्द राई /बिक्रम स्वाँरको करियोग्राफी , अस्त महर्जनको द्वन्द समावेश छन् । फिल्मबारे न्युज पेज थ्रीले सोधेको प्रश्नमा सुनिल रावलको जवाफ;

‘सायद २’ पहिला भन्दा दोश्रो कुन अर्थमा भिन्न छ ?

बास्तवमा सायद वान र सायद टु लाई  कम्पेर चाहि गर्न मिल्दैन, किनभने स्टोरी नै भिन्न छ । अर्को कुरा चाहि, के छ भने सधै एउटै किसिमको फिल्म पनि बनाईन्न । जस्तो ‘सायद’, होस्टेल होस्टेल रिटर्न्जसम्म पुग्दा खेरि फरकफरक बिषयमा हामीले फिल्म बनाईरहेका छौ । पहिलो कुरा भनेको चाहि फिल्म भनेको मनोरंजनको लागि बनाउने हो । दर्शक हलमा पुगिसकेपछी पूर्ण रुपमा इन्टरटेन हुनुपर्छ । र, यो ‘सायद २’ को कुरा गर्ने हो भने यसमा लव, एक्सन, फ्रेन्डसिप र दोखाको कुराहरु समावेश छन् । बीचको गुदी हामीले लुकाएर राखेका छौ जुन फिल्मको सुस्पेंस पार्ट हो त्यो हेर्न भने दर्शक हलसम्मै पुग्न पर्ने हुन्छ ।  

तपाईले नेपाली फिल्म ईन्डस्ट्रीमा अनमोल केसी, सलोन बस्नेत, गौरभ पहारी, विल्सन विक्रम राईदेखि टप स्टारहरुलाई जन्म दिनुभयो, जसमध्य सुशील पनि हो ।  ‘सायद २’ मा पनि दुई नव कलाकारहरुलाई यहाँले कसरी बिस्वास गर्नु भयो ।

जस्तो म अलिकति बिगतबाट कुरा अगाडी बढाउछु, जस्तो हामीले सायदमा चाहि संयम पुरी जो कसैले चिन्थेनन्, विल्सन विक्रम राई, म स्वयम् भन्नाले पब्लिकलाई थाह नभएको नामहरु थियौ, हामीले कन्टेनलाई प्राथमिकता दियौ । कन्टेन बलियो भएपछी, कास्टले त जस्ट प्ले मात्र गरिदिने हो । हामीले पछिल्ला फिल्महरुमा पनि नयाँ कलाकारहरुलाई राख्यौ । जति नयाँमा रिस्क लिएर काम गर्नमा मज्जा आउँछ त्यो पुरानोमा हुँदैन कि जस्तो लाग्छ  ।

तपाई आफैले पनि फिल्ममा अभिनय गर्नुभएको छ, तपाइको क्यारेक्टर के छ फिल्ममा ?

म टिचरको भूमिकामा छु,  

पब्लिसिटीका लागि नयाँ नयाँ उपायहरु अपनाउनु भएको छ नि होइन?

दुर्गिस फिल्मस् भनेको मार्केटमा जमेको कम्पनी हो । र हामीले टिम बसेर सल्लाह गर्यो कि यस्तो क्याम्पेन जसले दर्शकलाई रमाईलो होस् । हामीले प्रोफाईल क्याम्पेन, ब्रसर बितरण लगायत अन्य तरिकाले पब्लिसिटी अगाडी बढायौ, हामी प्रोफाईल क्याम्पेन जित्ने दुईलाई उपहारको व्यवस्था पनि गरिको छ ।

अन्त्यमा, ‘सायद २’ किन दर्शकले हेर्नेपर्छ?

सर्वप्रथम त फिल्म मनोरंजनको लागि हेरिने गरिन्छ  । र, जहिले पनि दुर्गिस फिल्मस्ले मनोरंजन सहितको संदेश दिने फिल्म बनाएको छ, बनाईराख्ने छ । यो फिल्ममा पनि संदेश समावेश छ । युवा अवस्थामा हामीले कस्तो कस्तो घटनाहरु गर्यो? हामीले साथिहरुलाई कस्तो कस्तो दोखाहरु दिन्छौ? माया के-के हुन्छ भन्ने कुरालाई हेर्नका लागि भए पनि दर्शकले फिल्म हेरिदिनुपर्छ ।