प्रहरी बल र बडिगार्ड सहित फिल्म हल पुगेका अनमोल चलिरहेको फिल्म रोकेर हल प्रवेश गरेका थिए । उनले अभिवादन गर्दै दर्शकले आफुलाई देखाएको मायाप्रति कृतज्ञता प्रकट गरे । दर्शकको भिडभाडका कारण अनमोल लामो समयसम्म हलमा भने बस्न सकेनन् । केही मिनेट बसेर उनी हल बाहिर निस्किएका थिए । उनको साथमा पिता भुवन केसी पनि थिए । 

उसो त आफ्नो फिल्म चलिरहंदा हलमा स्टार जाने पुरानै परम्परा हो । तर युवा स्टार अनमोल केसी भने नयाँ शैलीलले हलमा गए । प्रहरी वल र सुरक्षाकर्मी सहित फिल्म हलमा गएर दर्शकसँग साक्षत्कार गर्ने अनमोल सम्भवतः नेपाली फिल्मका पहिलो स्टार हुन् । 

‘होस्टेल’, ‘जेरी’ र ‘ड्रिम्स’ गरी लगालग तीन वटा हिट फिल्म दिएपछि अनमोल एकमात्र युवा स्टारको रुपमा दहरिएका छन् । प्रदर्शनरत उनको ‘ड्रिम्स’ ले शुक्रबार र शनिबार आक्रकम व्यापार गरेको छ ।  तस्बिर सौजन्य : मज्जाको अनलाइन डटकम Click here for video :