निर्देशक प्रचण्डमान श्रेष्ठलाई पितृ शोक परेको छ । निर्देशक श्रेष्ठका पिताको यही मंगलबार हृदयघातका कारण निधन भएको हो । उपचारको लागि नुवाकोट घरबाट राजधानी ल्याउँदै गर्दा बिच बाटोमै श्रेष्ठ पितको निधन हुन गएको थियो । 

फाइल तस्बिर : कबड्डी कबड्डीको कार्यक्रममा बोल्दै प्रचण्ड । उनको बायाँमा निर्देशक रामबाबु गुरुङ र दायाँमा निश्चल बस्नेत ।
पिताको दुःखद निधनका कारण प्रचण्डले सुरु गरेको नयाँ फिल्म ‘लभ सासा’ को छायाँकन स्थगन हुन गएको छ । प्रचण्ड स्वयम्को लगानी रहेको यो फिल्मको छायाँकन सुरु भएको चार दिन मात्रै भएको थियो । कर्म र केकी अधिकारीको मुख्य भूमिका रहेको ‘लभ सासा’ को अब प्रचण्ड चोखिएपछि मात्रै सुटिङ सुरु हुनेछ । स्वर्गिय प्रचण्ड पिताको आत्माको चिर शान्तिको कामना गर्दै शोक सन्तप्त परिवारप्रति हार्दिक समवेदना !