चैत ५ गते देखि नेपालमा प्रदर्शनमा आउने फिल्म ‘भाग सानी भाग’ को अष्ट्रेलियाका विभिन्न ९ वटा शहरमा प्रर्दशन गरिने भएको छ । नायिका केकी अधिकारीको शिर्ष भूमिका रहेको फिल्मले डार्विन शहरबाट आगामी जनवरी २९ तारिख देखि प्रर्दशनको यात्रा सुरु गर्नेछ । यसको चाँजोपाँजो निर्माता बिष्णु चापागाईं मिलाई रहेको छन् । 

निर्माता चापागाईंका अनुसार डार्विन शहर पछि त्यहाँका अन्य शहरहरुमा ‘भाग सानी भाग’ को प्रर्दशन गरिनेछ । जसअनुसार अष्ट्रेलियाको पर्थ शहरमा जनवरी ३१ तारिख, क्यानबेरामा फेवु्रअरी ५ तारिख, सिडनीमा फेवु्रअरी ६ र ७ तारिख तथा  मेलबर्नमा फेवु्रअरी १३ र १४ मा प्रदर्शन गरिनेछ भने एडिलेड शहरमा फेवु्रअरी १९ र ब्रिसबेनमा फेवु्रअरी २१ म प्रर्दशन गरिने निर्माता चापागाईले बताएका छन । ‘नेपाली फिल्म क्षेत्रमा गुणस्तरिय फिल्म निर्माण र बिश्व बजारीकरण लाई बिस्तार गर्न ‘भाग सानी भाग’ बनाएका हौं’ अष्ट्रेलिया निवासी बिष्णु चापागाईले बताएका छन । संगीतकार चेतन सापकोटा, बेल्जियम निवासी शहदेब गौतम र अमेरीका निबासी बिलोन पोखरेलसँग मिलेर चापागाईले ‘भाग सानी भाग’ निर्माण गरेका हुन । नवल नेपाल निर्देशित फिल्ममा केकी सँगै नायक सविन श्रेष्ठ मुख्य भूमिकामा प्रस्तुत भएका छन् । अष्ट्रेलिया बाट उठेको मध्ये केही प्रतिशत रकम समाज सेवी दिक्षा चापागाईं सहयोग गर्ने समेत गरिनेछ । अष्ट्रेलिया लगतै फिल्मलाई अमेरीका, क्यानडा, हंङकङ, मलेसिया, कतार, युके लण्डन, बेल्जियम, न्युजिल्याण्ड, जापान, बहराईन, ईजरायल लगाएका देशहरुमा प्रर्दशनको तयारी गरिदैंछ ।