लामो समयदेखि रिक्त रहेको चलचित्रकर्मी कल्याण कोष सञ्चालक समितिको संयोजक पदमा अभिनेत्री तथा निर्मात्री झरना थापालाई नियुक्त गरिएको छ । चलचित्र विकास बोर्डमा यसै साता बसेको बैठकले अभिनेत्री एंव निर्मात्री थापालाई उक्त समितिको संयोजक पदमा नियुत्त गरिएको हो । पुर्व संयोजक वरिष्ठ अभिनेत्री बसुन्धरा भूषाललाई भने समितिको संरक्षक पदमा राखिएको छ । 

नेपाली चलचित्र क्षेत्रमा योगदान पु¥याउने फिल्मकर्मीहरूको निवृत्त जीवनको सामाजिक संरक्षाको प्रत्याभूति तथा निम्न आय भएका र औषधी उपचारमा ठूलो रकम खर्च गर्न असमर्थ फिल्मकर्मीहरूर्मीलाई कुनै किसिमको आर्थिक सहयोग गर्ने निकाय नभएको अवस्थामा उनीहरुलाई राहत पु¥याउने उद्देश्यले चलचित्र विकास बोर्डको स्थापनासँगै चलचित्रकर्मी कल्याणकोषको अवधारणा आएको हो । विभिन्न व्यक्ति तथा संघ संस्थाबाट चन्दा स्वरूप उठाइएको राशीबाट यस क्षेत्रमा क्रियाशील फिल्मकर्मीहरुलाई दैवी प्रकोप, दुर्घटना, बिरामी वा यस्तै प्रकारका अप्रत्यासित घटना भएको अवस्थामा सहयोग रकम उपलब्ध गराउने उद्देश्यले यस कोषको स्थापना गरिएको हो । आर्थिक स्थिति कमजोर भएका र फिल्म क्षेत्रलाई आफ्नो कर्मथलो बनाई जीवनको लामो समय गुजारी हाल रोगसँग लड्दै अशक्त र असहाय भएका छ जना फिल्मकर्मीहरूलाई मासिक रूपमा रू.५ हजारका दरले अशक्तवृत्ति यो समितिले उपलब्ध गराउँदै आएको छ । साथै दुर्घटनामा परी घाइते भएका, दीर्घ रोगबाट ग्रसित तथा उपचार गर्न असमर्थ फिल्मकर्मीलाई समेत औषधोपचार उपलब्ध गराउँदै आएको छ ।