निर्माता सुनिल रावलले आफ्नो फिल्म ‘होस्टेल रिटन्र्स्’ ले ६ दिनमा कमाएको व्यापारिक रिपोर्ट सार्वजनिक गरेका छन् । निर्माता रावलले सार्वजनिक गरेको रिपोर्ट अनुसार प्रदर्शनरत फिल्मले ६ दिनमा १ करोड ४६ लाख ६२ हजार रुपैयाँको व्यापार गर्न सफल भएको छ । ‘होस्टेल रिटन्र्स्’ को व्यापार भूकम्प पछि प्रदर्शनमा आएका नेपाली फिल्महरु मध्येको उत्कृष्ट व्यापार हो ।

निर्माता रावलले बिहिबार राजधानीको बिग मुभिजमा प्रेस मिट गर्दै आफ्नो फिल्मको ६ दिने व्यापार सार्वजनिक गरेका हुन् । कुनै पनि नेपाली निर्माताले प्रेस मिट गरेर आफ्नो फिल्मको व्यापारिक रिपोर्ट सार्वजनिक गरेको सम्भवतः यो नै पहिलो पटक हो । निर्माता रावलका अनुसार दुर्गिश ब्यानरमा निर्माण भएका अघिल्ला दुई फिल्महरु ‘सायद’ र ‘होस्टेल’ भन्दा ‘होस्टेल रिटन्र्स्’ को ६ दिनको व्यापार माथि हुन आएको छ । यही गतिमा फिल्मको व्यापार बढ्दै गएमा आफ्नो फिल्मले साढे २ करोड सम्मको ग्रस कलेक्सन गर्ने आशा उनले व्यक्त गरे । सुनिलले ‘होस्टेल रिटन्र्स्’ को विदेशबाट २० लाख भन्दा रकम र ११ लाख डिभिडी बिक्रि बाट उठ्ने पनि जानकारी दिए । प्रदर्शनको दोश्रो सातामा ५० बढी हलमा आफ्नो फिल्म प्रदर्शन हुने उनले बताए । सुरज भूषाल निर्देशित फिल्ममा सुशिल श्रेष्ठ, शशी श्रेष्ठ, स्वतस्तिमा खड्का, अभय बराल, नाजिर हुसेन लगायत नव कलाकारको मुख्य अभिनय रहेको छ । ‘होस्टेल रिटन्र्स्’ ले कुन दिन कहाँ बाट कति कमायो ? सम्पूर्ण रिपोर्ट यहाँ प्रस्तुत गरिएको छ । 

शुक्रबार (४३ वटा हल) 

काठमाण्डू : १९ लाख ४३ हजार 

मोफसल : ९ लाख ४५ हजार 

कुल : २८ लाख ८९ हजार 

शनिबार (४५ वटा हल)

काठमाण्डू : ३५ लाख ७८ हजार

मोफसल : २५ लाख २७ हजार 

कुल : ६० लाख ९५ हजार

आइतबार (३८ वटा हल)

काठमाण्डू : ११ लाख ५५ हजार

मोफसल : ३ लाख २८ हजार 

कुल : १४ लाख ८४ हजार

सोमबार (३८ वटा हल)

काठमाण्डू : १० लाख १७ हजार 

मोफसल : २ लाख ५९ हजार

कुल : १२ लाख ७७ हजार

मंगलबार 

काठमाण्डू : ८ लाख २३ हजार 

मोफसल : ६ लाख ४० हजार

कुल : १४ लाख ६३ हजार

बुधबार  

काठमाण्डू : ९ लाख २४ हजार

मोफसल : ५ लाख २६ हजार

कुल : १४ लाख ५१ हजार 

६ दिनमा जम्मा व्यापार : १ करोड ४६ लाख ६२ हजार

बिग मुभिजमा बुधबार प्रेसलाई ‘होस्टेल रिटन्र्स्’ पनि देखाइएको थियो ।