सम्पन्न राष्ट्रिय चलचित्र पुरस्कार र पुरस्कार सँग जोडिएर आएको आफ्ना बारे भ्रामक समाचार बारे नायिका नम्रता श्रेष्ठले फेसबुक बाट आफ्नो भनाई सार्वजनिक गरेकी छन् । जुन भनाई लाई हामीले जस्ताको त्यस्तै यहाँ प्रस्तुत गरेका छौं ।
यो लिखरहँदा म निकै दुःखी महसुस गरिरहेको छु ।  तर भ्रामक खबरका कारण म मौन रहन सकिन् । केही ब्लगहरुले सिर्जना गरेको अफवाहका विषयमा म अनभिज्ञ थिएँ । तर, मेरा शुभचिन्तक, फ्यान र साथीहरुबाट केही कल र प्रश्नहरु आएपछि यसमा मेरो ध्यानाकर्षण भएको छ । म पुर्णरुपमा मेरा आगामी र भइरहेका प्रोजेक्टमा व्यस्त भइरहेको समयमा यस्ता ब्लगरहरुले सिर्जना गरेका अफवाहका पछाडी कुद्नु मुर्खता हो । मेरो विषयमा यस्ता भ्रामक समाचारहरु सोसियल मिडियामा भाइरल हुँदै गएपछि मैले यो विषयमा स्पष्ट पार्न आवश्यक ठानेकी हुँ । 

अब मुख्य कुरामा जाऔँ, जुन राष्ट्रिय चलचित्र पुरस्कार समारोहबाट शुरु भएको हो । केही अनलाईन ब्लगहरुले अवार्ड सम्पन्न हुनासाथ म बेपत्ता भएको भनेर खबर लेखे । जुन आफैमा अर्थपुर्ण छैन् । म उहाँहरुलाई के जवाफ दिन चाहन्छु भने त्यो दिन विहान ८ वजेदेखि नै म एक म्यूजिक भिडियोको सुटिङमा थिएँ । मैले सुटिङ सक्नुपर्ने थियो, साथीहरु पर्खिरहेका थिए त्यसैले फर्किहालेको हुँ । फिल्म क्षेत्रका आदरणीय व्यक्तित्व र बोर्ड सदस्यहरुको निम्तो र फिल्म क्षेत्रको एक जिम्मेवार व्यक्ति भएका कारण म सुटिङका बाबजुद पनि त्यँहा पुगेको थिए । 

रह्यो नेशनल अवार्डको कुरो, यो विषयमा कुनै छलफल गर्न चाहन्न किनभने न त म जुरी हुँ, न कुनै बोर्ड सदस्य । त्यसैले निर्णय गर्ने काम होइन् । तर टेब्लोइड शिर्षक सहित निराधार समाचार बनाउनेहरुको कार्यदेखि मलाई दुःख लागेको छ, जुन वास्तविकतासँग मेल खाँदैन् । किन, के तपाईहरुलाई लाग्दैन कि तपाईहरुको पनि आचारसंहिता हुन्छ ? विभिन्न ब्लग र राजनीतिका कारण रचिएका यस्ता आधारहिन समाचारलाई लिएर मैले प्रतिक्रिया दिनुपर्ने ? म कलाकार र फिल्म मेकर भएकामा गर्व गर्छु तर यस्ता किसिमका समाचार र समाचार बनाउनेहरुका कारण मेरो व्यवसाय र सिंगो फिल्मकर्मीप्रति प्रश्न उठिरहेको छ । मलाई लाग्छ यस्ता विषयमा फिल्मकर्मी समुदायहरु गम्भिर हुनुपर्छ र यस्ता निराधात समाचारप्रति एक्सन लिनुपर्छ । अनि मात्र हाम्रो व्यवसाय र फिल्मकर्मीप्रतिको गलत धारणा हट्नेछ । फिल्म क्षेत्रको उन्नती र विश्वसनीयताका लागि निकट भविष्यमा यस्ता खालका घटना दोहोरिनु हुन्न । धन्यवाद, 

नम्रता श्रेष्ठ (यो कुनै स्पष्टीकरण होइन् तर निराधार समाचारले मेरा शुभचिन्तकलाई हानी पुर्याउन हुन्न ।)